0
1
2
9
1
1
चिकाडी जिल्हा परिषद शाळेत ” जागतिक आदिवासी दिन “ उत्साहात साजरा
“जय आदिवासी, एक तिर कमान, सारे आदिवासी एक समान, बिरसा मुंडा की जय ” अशा घोषणा घोषणांनी परिसर दुमदुमला !
⇒ दिव्य भारत बी एस एम न्यूज : सुरगाणा प्रतिनिधी : एकनाथ शिंदे
⇒ सुरगाणा , ता.९ ( दिव्य भारत बी एस एम न्यूज वृत्तसेवा ) :- सुरगाणा तालुक्यातील जिल्हा परिषद प्राथमिक शाळा चिकाडी येथे जागतिक आदिवासी दिन साजरा करण्यात आला. यावेळी शाळेतील मुलांनी आदिवासी पोशाख घालून रॅलीमध्ये सहभाग घेतला.जय आदिवासी, एक तिर कमान, सारे आदिवासी एक समान, बिरसा मुंडा की जय. अशा घोषणा देण्यात आल्या. यावेळी भगवान बिरसा मुंडा याच्या प्रतिमेचे मान्यवरांच्या हस्ते पूजन करण्यात आले. शाळेचे शिक्षक राजाराम थवील , सरपंच सदू बागुल, भास्कर बागुल यांनी जागतिक आदिवासी दिनानिमित्त मनोगत व्यक्त केले. मणिपूर महिला अत्याचार घटनेचा निषेध करण्यात आला , त्यानंतर इशाळवाडी रायगड येथील दरड कोसळून मृत्यूमुखी पडलेल्या आदिवासी बांधवाना भावपुर्ण श्रद्धांजली वाहण्यात आली. यावेळी,शाळेचे मुख्याध्यापक श्री बागुल सर,शिक्षक राजाराम थवील विद्यार्थी व गावकरी उपस्थित होते.
⇒ दिव्य भारत बी एस एम न्यूज : मुख्य संपादक : डॉ भागवत महाले , मो ८२०८१८०५१०
