दिव्य भारत बीएसएम न्यूज :
नाशिक : प्रतिनिधी वृत्तसेवा :-

जानोरी गावातील बसस्थानकाजवळ अकरा रोड (आग्रा रोड) परिसरात एका नागरिकाचा मोबाईल फोन हरवल्याची घटना घडली होती. मात्र ओझर येथील जुबेर शेख या तरुणाने प्रामाणिकतेचा आणि सद्भावनेचा उत्कृष्ट आदर्श समाजासमोर ठेवत तो मोबाईल त्याच्या मूळ मालकाकडे सुखरूप परत केला. मिळालेल्या माहितीनुसार, अकरा रोड परिसरात एका व्यक्तीचा मोबाईल रस्त्यावर पडलेला आढळून आला. दरम्यान, त्या मार्गाने जात असताना जुबेर शेख यांना तो मोबाईल दिसला. अनेकांना अशा प्रसंगी सापडलेली वस्तू स्वतःकडे ठेवण्याचा मोह होतो, परंतु शेख यांनी तत्काळ मोबाईल उचलून त्याचा मालक कोण आहे हे शोधण्याचा निर्णय घेतला.

मोबाईल तपासल्यावर त्यात काही संपर्क क्रमांक व माहिती मिळाली. शेख यांनी त्याच्या माध्यमातून मोबाईलचा खरा मालक शोधून काढला. संबंधित व्यक्ती ही एअरपोर्टवरील कर्मचारी असल्याचे समोर आले. शेख यांनी निःस्वार्थपणे त्या कर्मचाऱ्याशी संपर्क साधून मोबाईल स्वतःच्या हाताने परत दिला. हरवलेला मोबाईल परत मिळाल्याने त्या व्यक्तीने जुबेर शेख यांचे मनापासून आभार मानले. त्यांच्या या कृतीमुळे केवळ मोबाईलच नव्हे तर समाजात हरवलेली प्रामाणिकतेची मूल्ये पुन्हा उजळली आहेत, अशी भावना नागरिकांमध्ये व्यक्त होत आहे.

स्थानिक नागरिकांनी या घटनेचे मनापासून स्वागत केले असून, शेख यांची प्रामाणिकता समाजातील तरुणांसाठी प्रेरणादायी ठरावी असेही मत व्यक्त केले. “आजच्या डिजिटल आणि स्वार्थी जगात एखादा तरुण दुसऱ्याच्या वस्तूची मालकी कारण्याऐवजी ती परत करतो, ही समाजातील प्रामाणिकतेची जिवंत उदाहरणे आहेत,” असे ज्येष्ठ नागरिकांनी सांगितले. या प्रसंगामुळे जानोरी परिसरात सकारात्मक वातावरण निर्माण झाले असून, नागरिकांनी “जुबेर शेख यांच्या प्रामाणिकतेचे” कौतुक करत त्यांना “प्रामाणिक नागरिकाचा गौरव” मिळावा अशी मागणी केली आहे. अशा घटनेतून समाजात प्रामाणिकपणा, निष्ठा आणि माणुसकीचे मूल्य पुन्हा अधोरेखित होत असल्याने शेख यांचे कार्य सर्वत्र चर्चेचा विषय ठरले आहे.

छायाचित्र:
जुबेर शेख — मोबाईल परत देताना समाधानाचा क्षण.

दिव्य भारत बीएसएम न्यूज :
नाशिक : प्रतिनिधी वृत्तसेवा
मुख्य संपादक : डॉ. भागवत महाले