दिव्य भारत बीएसएम न्यूज : दिनांक : 9 नोव्हेंबर 2025

येडशी,(धाराशिव) (प्रतिनिधी : सुभान शेख) :-
दि. ८ नोव्हेंबर २०२५ — धाराशिव तालुक्यातील येडशी शहरात मागील अनेक वर्षांपासून दुर्लक्षित राहिलेला सुभाष नगर भागातील मुख्य प्रभात फेरीचा रस्ता अखेर सिमेंट काँक्रीटीकरणाच्या कामाला सुरुवात झाली आहे. दीर्घकाळापासून रस्त्यावरील खड्डे, पावसाळ्यातील चिखल, पाणी साचणे आणि त्यातून होणारी नागरिकांची हालअपेष्टा यामुळे येडशीतील ग्रामस्थ, विद्यार्थी, महिला आणि वृद्ध नागरिक प्रचंड त्रस्त होते. पण या गंभीर प्रश्नावर “दिव्य भारत बीएसएम न्यूज” युट्युब चॅनलच्या बातमीचा जबरदस्त परिणाम (इफेक्ट) झाल्यानंतर ग्रामपंचायतीने तातडीने लक्ष देत १५व्या वित्त आयोगाच्या निधीतून रस्त्याच्या सिमेंट काँक्रीटीकरणाला सुरुवात केली आहे.

🚩 रस्त्याची दुरवस्था :

सुभाष नगर भाग हा येडशी शहरातील अत्यंत गजबजलेला परिसर असून येथे जिल्हा परिषदेच्या शाळेत शिकणाऱ्या विद्यार्थ्यांची दररोज ये-जा होत असते आणि राष्ट्रींय कार्यक्रमाचा प्रभात फेरी चा रस्ता आहे. परंतु या मुख्य रस्त्यावर अनेक मोठे खड्डे पडल्याने विद्यार्थ्यांना आणि नागरिकांना जीव मुठीत धरून प्रवास करावा लागत होता. पावसाळ्यात तर परिस्थिती अधिकच बिकट होत असे — रस्त्यावर पावसाचे पाणी व सांडपाणी साचून चिखलाचे साम्राज्य निर्माण होत असे.,दोन चाकी आणि चार चाकी वाहनचालकांना अपघाताचा धोका निर्माण होत असे, वृद्ध महिलांचे चिखलात पडून दुखापतीचे प्रकार वारंवार घडत होते. या सर्व परिस्थितीमुळे ग्रामस्थांमध्ये संतापाचे वातावरण निर्माण झाले होते. अनेक वेळा स्थानिक पातळीवर तक्रारी करण्यात आल्या, परंतु प्रशासनाकडून व ग्रामपंचायतीकडून दुर्लक्षच झाले होते.

📰 “दिव्य भारत बीएसएम न्यूज”चा पुढाकार – बातमीने जागवली ग्रामपंचायत !

येडशी शहराची ही दयनीय अवस्था पाहून “दिव्य भारत बीएसएम न्यूज”चे स्थानिक पत्रकार सुभान शेख यांनी १६ ऑक्टोबर २०२५ रोजी एक प्रभावी बातमी प्रसिद्ध केली —“येडशीत मुख्य प्रभात फेरीचा रस्ता बनला मृत्यूचा सापळा! गटविकास अधिकाऱ्यांचे दुर्लक्ष, ग्रामस्थांमध्ये संताप!” ही बातमी सोशल मीडियावर आणि युट्युबवर व्हायरल झाली.नाशिक येथून प्रकाशित होणाऱ्या “दिव्य भारत बीएसएम न्यूज” चे मुख्य संपादक डॉ. भागवत महाले यांनीही या बातमीला प्रमुखता देत प्रश्नावर प्रकाशझोत टाकला. या बातमीने ग्रामपंचायत आणि प्रशासन हलवून सोडले.

🏗️ अखेर ग्रामपंचायतीचा निर्णय – १५वा वित्त आयोगातून निधी मंजूर :

बातमी प्रसिद्ध झाल्यानंतर महिला सरपंच डॉ. सोनिया प्रशांत पवार यांच्या पती तथा ग्रामपंचायत सदस्य डॉ. प्रशांत पवार यांनी मासिक मिटिंगमध्ये या रस्त्याचा विषय उपस्थित केला.गावातील नागरिकांच्या मागण्यांचा विचार करून अखेर १५व्या वित्त आयोगाच्या निधीतून रस्त्याच्या सिमेंट काँक्रीटीकरणासाठी बजेट मंजूर करण्यात आला आहे. या निर्णयानंतर नागरिकांनी “दिव्य भारत बीएसएम न्यूज”चे आभार मानले आणि सर्वत्र कौतुक होत असून आभार व्यक्त केले आहे.

✂️ उद्घाटन सोहळा – ग्रामस्थांचा उत्स्फूर्त सहभाग :

४ नोव्हेंबर २०२५ रोजी सकाळी ११ वाजता मुख्य प्रभात फेरी रस्त्याच्या कामाचे उद्घाटन सोहळा पार पडला. या प्रसंगी डॉ. प्रशांत पवार यांच्या हस्ते श्रीफळ फोडून रस्त्याच्या सिमेंट काँक्रीटीकरणाच्या कामाला सुरुवात करण्यात आली. उद्घाटन प्रसंगी उपस्थित मान्यवर –डॉ. प्रशांत पवार, ग्रामपंचायत सदस्य, हरिश्चंद्र पवार ,माजी उपसरपंच प्रिया सस्ते यांचे पती शंशाक सस्ते, गोपाळराव सस्ते, समाधान पाटील, महेश कुलकर्णी, दत्ता पवार, सुभान शेख (पत्रकार, दिव्य भारत बीएसएम न्यूज), गणेश जाधव (आज तक, धाराशिव प्रतिनिधी), यांच्यासह शेकडो ग्रामस्थ उपस्थित होते.

🛣️ चौथ्या दिवशी वेगाने कामाची सुरुवात – नागरिकांत समाधान :

उद्घाटनानंतर फक्त चार दिवसांच्या आत प्रत्यक्ष सिमेंट काँक्रीटीकरणाचे काम सुरू झाले. सुभाष नगर भागातील सतीश कुलकर्णी यांच्या घरापासून ग्रामपंचायतीपर्यंतचा रस्ता प्रथम टप्प्यात पूर्ण केला जाणार आहे. काम सुरू झाल्यानंतर नागरिकांमध्ये समाधान आणि आनंदाचे वातावरण निर्माण झाले आहे.

💬 ग्रामस्थांची प्रतिक्रिया :

ग्रामस्थांचे म्हणणे असे की : “दिव्य भारत बीएसएम न्यूजच्या पत्रकारांनी आवाज उठवला नसता, तर आजही हा रस्ता खड्ड्यांनी भरलेला असता. बातमी प्रसिद्ध होताच ग्रामपंचायत जागी झाली आणि अखेर रस्त्याचे काम सुरू झाले.” महिला सरपंच डॉ. सोनिया पवार यांचे पती डॉ. प्रशांत पवार म्हणाले – “प्रभात फेरीचा रस्ता विद्यार्थ्यांसाठी अतिशय महत्त्वाचा आहे. रस्त्याच्या कामामुळे येडशी शहराच्या विकासाला गती मिळेल.”

📸 कामाची गुणवत्ता व नागरिकांच्या अपेक्षा :

ग्रामस्थांच्या अपेक्षेप्रमाणे या वेळेस रस्त्याचे सिमेंट काँक्रीटीकरण दर्जेदार आणि टिकाऊ करण्यात यावे, अशी सर्वांची मागणी आहे.पूर्वी ठेकेदारांकडून केलेले काम निष्कृष्ट दर्जाहीन होते. त्यामुळे काही वर्षांतच रस्ता खराब झाला होता. आता योग्य नियोजन, दर्जेदार साहित्य आणि निगराणीखाली हे काम पार पाडले जावे, अशी मागणी ग्रामस्थांनी केली आहे.

🌟 “दिव्य भारत बीएसएम न्यूज”चा “पॉझिटिव्ह इफेक्ट” :

ही घटना पत्रकारितेच्या सामर्थ्याचे जिवंत उदाहरण ठरली आहे. एका सामाजिक प्रश्नावर योग्यवेळी लक्ष घातल्यास प्रशासन आणि नागरिक दोघांमध्ये संवाद निर्माण होऊन विकासाला चालना मिळू शकते, हे या घटनेतून दिसून आले.“दिव्य भारत बीएसएम न्यूज”ने सामाजिक बांधिलकी जपत ग्रामविकासाचे कार्य प्रभावीपणे केले आहे.

येडशीतील मुख्य प्रभात फेरी रस्त्याचे सिमेंट काँक्रीटीकरण सुरू झाल्याने नागरिकांत “दिव्य भारत बीएसएम न्यूजचा दणका” म्हणून चर्चा रंगली आहे.पत्रकारितेच्या माध्यमातून लोकांचे प्रश्न प्रशासनापर्यंत पोहोचवण्याचे आणि त्यावर उपाय मिळवण्याचे हे यशस्वी उदाहरण ठरले आहे.आता नागरिकांना अपेक्षा आहे, की येडशी शहरातील इतर रस्ते, नाली व स्वच्छतेच्या समस्या सोडवण्यासाठीही प्रशासन तत्परतेने काम करेल अशी अपेक्षा आहे.

📸 फोटो : डॉ. प्रशांत पवार यांच्या हस्ते श्रीफळ फोडून रस्त्याच्या सिमेंट काँक्रीटीकरणाच्या कामाचे उद्घाटन करताना मान्यवर.
🗓️ दिनांक : 9 नोव्हेंबर २०२५
📰 स्रोत : दिव्य भारत बीएसएम न्यूज
📞 संपादक : डॉ. भागवत महाले
🌐 Website : divyabharatbsmnews.com

📺 YouTube : दिव्य भारत बीएसएम न्यूज

📱 संपर्क : +91 8208180510