योगेश्वर सुभाष पाटील यांना “ग्लोबल डायमंड आयकॉन अवॉर्ड – २०२६” जाहीर

दिव्य भारत बीएसएम न्यूज : शनिवार : 7 मार्च 2026

जळगाव, ( प्रतिनिधी : मोईन शेख):-

भव्या फाउंडेशन, जयपूर, राजस्थान यांच्या वतीने आयोजित ‘ग्लोबल डायमंड आयकॉन अवॉर्ड’ व ‘आंतरराष्ट्रीय मैत्री संमेलनात’ कबचौउमवि, जळगाव येथील राज्यशास्त्र विभागाचे संशोधक विद्यार्थी योगेश्वर सुभाष पाटील यांची ‘ग्लोबल डायमंड आयकॉन अवॉर्ड’साठी निवड करण्यात आली आहे.

फाउंडेशनच्या संचालिका डॉ. निशा माथुर व संचालक शैलेन्द्र माथुर यांनी ही माहिती दिली. हा भव्य सोहळा ५ एप्रिल रोजी जयपूर, राजस्थान येथे आयोजित करण्यात येणार असून, देशभरातील अनेक मान्यवर, प्रतिष्ठित आयएएस व आयपीएस अधिकारी तसेच विविध क्षेत्रातील मान्यवर या कार्यक्रमास उपस्थित राहणार आहेत.
योगेश्वर सुभाष पाटील यांनी संशोधन क्षेत्रात तसेच शैक्षणिक क्षेत्रात दिलेल्या योगदानाची दखल घेऊन त्यांची या सन्मानासाठी निवड करण्यात आली आहे. त्यांनी लोकप्रशासन या विषयात नेट-जेआरएफमध्ये संपूर्ण भारतात पहिला क्रमांक देखील मिळवलेला आहे तसेच त्यांनी राज्यशास्त्र, लोकप्रशासन आणि आतंरराष्ट्रीय संबंध या तिन्ही विषयात नेट परिक्षेत घवघवित यश संपादित केले आहे. त्यांच्या कार्यामुळे शैक्षणिक आणि संशोधन क्षेत्रात सकारात्मक परिवर्तन घडून आले असून, त्यांच्या या यशाबद्दल सर्व स्तरांतून अभिनंदनाचा वर्षाव होत आहे.

दिव्य भारत बीएसएम न्यूज : शनिवार : 7 मार्च 2026