दिव्य भर बीएसएम न्यूज : सोमवार : दिनांक : ४ मे २०२६

नाशिक शहर , *प्रतिनिधी, अश्विनी भालेराव ):-नाशिक: क्रांतिवीर वसंतराव नाईक महाविद्यालयाचे संशोधक व भोंसला मिलिटरी महाविद्यालयाच्या वाणिज्य विभागातील सहा. प्रा. मिलिंद पाडेवार यांना सावित्रीबाई फुले पुणे विद्यापीठाची ‘व्यवसाय प्रशासन’ या विषयात विद्यावाचस्पती (पीएचडी ) पदवी प्राप्त झाली.’मनुष्यबळ विकासास पूरक महाविद्यालयीन स्तरावरील शिष्यवृत्ती योजना, कार्यप्रणाली आणि समस्याचा विश्लेष्णात्मक अभ्यास’त्यांनी या विषयात प्रा. डॉ.धीरज छगन झाल्टे यांच्या मार्गदर्शनाखाली संशोधनाचे काम यशस्वी पूर्ण केले.
या संशोधनासाठी के.व्ही.एन.नाईक महाविद्यालयाचे प्राचार्य डॉ. संजय सानप, सी.एच.एम.ई. सोयायटीचे कार्यवाह श्री.मिलिंद वैद्य,सरकार्यवाह सीएमए हेमंत देशपांडे, महाविद्यालय विकास समिती अध्यक्ष डॉ. विजयप्रसाद अवस्थी, महाविद्यालयाचे प्राचार्य डॉ. दिनेश नाईक,डॉ. उन्मेष कुलकर्णी, डॉ. मिलिंद तायडे, संशोधन क्षेत्रात नावलौकिक असलेले वाणिज्य विभागाचे प्रा. सुनील जोशी या सर्वांचे सहकार्य व मार्गदर्शन लाभले. क्रांतिवीर वसंतराव नाईक संशोधन केंद्रातून पीएचडी करणारे पहिले संशोधक म्हणून मिलिंद पाडेवार व त्यांना मार्गदर्शन करणारे पहिले संशोधन मार्गदर्शक म्हणून डॉ. धीरज झाल्टे यांना बहुमान मिळाला आहे. या यशानंतर संशोधन केंद्राचे प्राचार्य डॉ. संजय सानप व संस्थेचे अध्यक्ष कोंडाजी मामा आव्हाड यांनी संशोधक व मार्गदर्शक दोघांचाही सत्कार करत, शुभेच्छा दिल्या. या प्रसंगी प्रा. मिलिंद पाडेवार यांनी पीएचडी (विद्यावाचस्पती) पदवी प्राप्त केल्याबद्दल विविध क्षेत्रातून या यशाबद्दल कौतुक होत, शुभेच्छाचा वर्षाव होत आहे.

दिव्य भर बीएसएम न्यूज : सोमवार : दिनांक : ४ मे २०२६