राज्यात ज्येष्ठांसाठी “तीर्थ दर्शन योजना” सुरू करणार- मुख्यमंत्री एकनाथ शिंदे
β⇔ दिव्य भारत बीएसएम न्यूज वृत्तसेवा : नाशिक : बुधवार : दि, 3 जुलै 2024
β⇔नाशिक,दि.3 (प्रतिनिधी : सुरेश इंगळे):-राज्यातील ज्येष्ठ नागरिकांना विविध तीर्थस्थळाचे दर्शन घडवून आणण्यासाठी मुख्यमंत्री एकनाथ शिंदे यांनी “मुख्यमंत्री तीर्थ दर्शन योजना” सुरू करण्याची घोषणा आज विधानसभेत केली. या योजनेसाठी धोरण आणि नियमावली तयार करून ज्येष्ठांना शासनाच्या माध्यमातून तीर्थस्थळांच्या दर्शनासाठी नेण्यात येईल, असे मुख्यमंत्र्यांनी यावेळी सांगितले.
आपला हा महाराष्ट्र संतांची भूमी असून दरवर्षी अनेक भाविक विविध तीर्थस्थळांना भेटी देऊन दर्शनाचा लाभ घेत असतात. ज्येष्ठ नागरिकांना तीर्थस्थळाचे दर्शन सुलभ पणे होण्यासाठी “मुख्यमंत्री तीर्थदर्शन योजना” सुरू करण्यात येणार आहे त्यासाठी सर्व कष धोरण तयार करून त्याची नियमावली केली जाईल. त्या अंतर्गत आवर्तन पद्धतीने ऑनलाईन अर्ज मागवून ही योजना राबविण्यात येईल .असेही मुख्यमंत्र्यांनी यावेळी सांगितले. यावेळी झालेल्या चर्चेत राम कदम , प्रकाश सुर्वे, श्रीमती देवयानी फरांदे , मनीषा चौधरी, आदी सदस्यांनी भाग घेतला.
β⇔ दिव्य भारत बीएसएम न्यूज : मुख्य संपादक : डॉ. भागवत महाले : मो. 8208180510
(‘दिव्य भारत बीएसएम न्यूज‘ची बातमी शेअर व लाईक करा आणि सबस्क्राईब करा, बेल आयकॉन बटणवर प्रेस करा. ताज्या बातम्या व घडामोडी नियमित बघत राहा. “दिव्य भारत बीएसएम न्यूज”)
