दिव्य भारत बीएसएम न्यूज ) दि. 02 नोव्हेंबर 2025
नाशिक : (प्रतिनिधी : दिव्य भारत बीएसएम न्यूज ):- कर्जत तालुक्यातील एकाच कुटुंबातील 23 भाविकांचे वाहन आढळले, दहिवली, ता. कर्जत (जि.रायगड) येथून शेगावला दर्शनासाठी निघालेल्या भाविकांच्या टेम्पो ट्रॅव्हलचा इगतपुरीत जवळील समृद्धी महामार्गाच्या बोगद्यात शनिवारी एक सकाळी सातच्या सुमारास भीषण अपघात झाला. या अपघातात चालकासह दोन जणांचा मृत्यू झाला, तर आठ जण गंभीर जखमी झाले आहेत.
दहिवली गावातील एकाच कुटुंबातील 23 भाविक टेम्पो ट्रॅव्हलर एमएच 46-0667 ने शेगाव देवदर्शनासाठी मध्यरात्री मुंबई- नागपूर समृद्धी महामार्गाने निघाले होते. प्रवासादरम्यान सकाळच्या सुमारास कसारा व इगतपुरी दरम्यान असलेल्या बोगद्यात वाहन चालकाचा ताबा सुटल्याने टेम्पो ट्रॅव्हलर दुबाजकावर आढळून अपघात झाला. या अपघातात चालक दत्ता ढकवळ याचा जागीच मृत्यू झाला. अपघाताची माहिती मिळताच इगतपुरी पोलीस ठाण्याच्या निरक्षक सारिका अहिरराव उपनिरीक्षक कांचन भोजने, शैलेंद्र पाटील तसेच महामार्ग सुरक्षा पथकाचे अधिकारी आणि कसारा आपत्ती व्यवस्थापन पदकाचे श्याम धुमाल यांनी घटनास्थळी धाव घेत मदतकार्य सुरू केले.
जखमी भाविकांना समृद्धी महामार्गावरील रुग्णवाहिकेतून प्रथम इगतपुरी ग्रामीण रुग्णालयात दाखल करण्यात आले. मात्र काही भाविकांची प्रकृती गंभीर असल्याने त्यांना एसएमबीटी हॉस्पिटल घोटी येथे हलविण्यात आले. उपचारादरम्यान सुरेश गौरू लाड (वय 60) रा. दहिवली, ता. कर्जत) यांचा मृत्यू झाला.
गंभीर जखमीमध्ये नंदकुमार मोतीराम मोरे (54 ) आकाश सुरेश गरुड (25) व शशिकांत शंकर लाड (65) याचा समावेश आहे. किरकोळ जखमींमध्ये रेखा राजेश लाड(45 ), राजेश विश्वनाथ लाड (51) अशोक लक्ष्मण लाड (61) आदींचा समावेश असून, त्यांच्यावर एसएमबीटी हॉस्पिटलमध्ये उपचार सुरू आहेत. या टेम्पो ट्रॅव्हलरमध्ये चालक दत्ता ढकवळ, सुरेश लाड, सुरेखा लाड, राजेश लाड, नंदकुमार मोरे, उमेश लाड, हर्षदा लाड, सुजित लाड, सुजाता लाड, शशिकांत लाड, संगीता लाड, गोरख लाड, प्रतिभा लाड, अशोक लाड, विलास मालसुरे, मीरा लाड, लीला लाड, नाईक ताई , शैला ताई, सविता लाड, गुलाब लाड आणि नाणी लाड असे एकाच कुटुंबातील एकूण 23 भाविक प्रवास करीत होते.

AI CHAT GPT photo :