दिव्य भारत BSM न्यूज दिनांक :१५-११-२०२५
येडशी,( प्रतिनिधी : सुभान शेख ):-

धाराशिव तालुक्यातील येडशी येथे प्रभाग क्रमांक पाच मधील सुभाष नगर भागातील मुख्य प्रभात फेरी रस्ता गेल्या काही महिन्यांपासून पूर्णपणे दुरावस्थेत होता. सतिश कुलकर्णी यांच्या घराकडून ग्रामपंचायतीकडे जाणारा हा महत्त्वाचा रस्ता खड्डेमय होत चालला होता. मोठमोठे खड्डे असल्यामुळे वयोवृद्ध महिला, पुरुष यांना चालताना पडण्याच्या घटना घडल्या, तर शालेय विद्यार्थी–विद्यार्थिनींना रोज धोकादायक मार्गाने जायला भाग पाडले जात होते.

नित्कृष्ट काँक्रीटकरणामुळे रस्ता पुन्हा बिघडला:

याआधी या मुख्य रस्त्यावर गुत्तेदारामार्फत सिमेंट काँक्रीटकरण केले गेले होते. परंतु दगडी कपची (soling) न वापरल्याने व दर्जाहीन साहित्यामुळे हे काम कालावधी टिकूच शकले नाही. दीड–दोन वर्षातच सिमेंटचे आवरण खचले, जागोजागी खड्डे पडले आणि पुन्हा एकदा हा रस्ता मृत्यूचा सापळा बनला. ग्रामस्थांनी वारंवार तक्रारी केल्या, तरीही जबाबदारांकडून कोणतीही दखल घेतली जात नव्हती. विशेषतः गटविकास अधिकारी यांच्या उदासिनतेमुळे ग्रामस्थांमध्ये नाराजी होती.

स्थानिकांच्या सततच्या विनंतीनंतर दिव्य भारत BSM न्यूज चॅनलने पुढाकार घेतला.१६ ऑक्टोबर रोजी “येडशीत मुख्य प्रभात फेरीचा रस्ता बनला मृत्यूचा सापळा – गटविकास अधिकाऱ्यांचे दुर्लक्ष – ग्रामस्थांमध्ये संताप”ही ठळक बातमी प्रसारित झाल्यानंतर प्रशासनाची झोप मोडली. बातमी व्हायरल होताच सर्व सरकारी यंत्रणा हलल्या. ग्रामपंचायतकडून तातडीने बैठक घेतली गेली.

महिला सरपंच डॉ. सोनिया पवार यांच्या हस्तक्षेपानंतर निधी मंजूर:

बातमीची गंभीर दखल घेऊन येडशी ग्रामपंचायतीच्या महिला सरपंच डॉ. सोनिया पवार यांच्या पती व ग्रामपंचायत सदस्य डॉ. प्रशांत पवार यांनी पुढाकार घेतला.त्यांनी पंधराव्या वित्त आयोगामधून निधी मिळवून हा रस्ता तत्काळ पुन्हा करण्याचा निर्णय घेतला. ४ नोव्हेंबर रोजी याच रस्त्याच्या सिमेंट काँक्रीटकरणाच्या कामाचे श्रीफळ फोडून उद्घाटन करण्यात आले.

फक्त ४ दिवसांत कामाला सुरुवात ,दिव्य भारत न्यूज इफेक्ट :

उद्घाटनानंतर केवळ चार दिवसात -८ नोव्हेंबर २०२५ रोजी मुख्य प्रभात फेरी रस्त्याच्या सिमेंट काँक्रीटकरणास प्रत्यक्ष सुरुवात झाली.ग्रामस्थांमध्ये या घडामोडींमुळे आनंदाचे वातावरण निर्माण झाले.दिव्य भारत BSM न्यूजच्या सातत्यपूर्ण पत्रकारितेमुळे प्रशासनाला काम सुरू करावे लागले, असा नागरिकांचा ठाम विश्वास आहे.परंतु पुन्हा नित्कृष्ट कामाचे संकेत? – ग्रामस्थांची चिंता वाढली काम सुरू होताच काही ग्रामस्थ तसेच ग्रामपंचायत सदस्यांनी पत्रकारांना माहिती दिली की—

‘काम सुरू करण्यापूर्वी दगडी कपची (soling) नीट पसरली जात नाही.सिमेंटसाठी अंबुजा सारख्या उच्च दर्जाच्या कंपनीचे साहित्य न वापरता, ज्वारी कंपनीचे हलक्या प्रतीचे सिमेंट वापरले जात आहे.तळभाग मजबुतीकरण न करता सिमेंट ओतले जात आहे. जर असे झाले तर हे काम देखील काही महिन्यांत उखडून पडेल, असा भितीचा सुर ग्रामस्थांत होता.

ग्रामस्थांचा ठाम आग्रह : “नित्कृष्ट काम तात्काळ थांबवा!”

ग्रामस्थांनी स्पष्टपणे मागणी केली आहे-

1. धाराशिव पंचायत समितीचे गटविकास अधिकारी यांनी तातडीने पाहणी करावी.
2. सिमेंट काँक्रीटकरण मानक दर्जानुसार केले जावे.
3. दर्जाहीन साहित्य वापरणाऱ्या गुत्तेदारावर कारवाई करावी.
4. काम बंद करून उच्च दर्जाच्या सिमेंट व सोलिंगचे पुनर्मुल्यांकन करावे.

त्यांचे म्हणणे आहे की : “हा रस्ता रोजच्या वाहतुकीसाठी जिवनरेखा आहे. इथे नित्कृष्ट काम आम्हाला मान्य नाही.”

ग्रामस्थांनी प्रश्न उपस्थित केल्यानंतर ग्रामपंचायतीने आवश्यकतेनुसार अतिरिक्त देखरेख ठेवली जावी तसेच गुत्तेदाराला कठोर निर्देश दिले जावेत. जर रस्त्याचे कामाचा दर्जा पुन्हा खालावला तर हे येणाऱ्या दिवसांतच स्पष्ट होणार आहे. जर रस्त्या खराब झाला तर गुत्तेदाराला पुन्हा काम करायचे निर्देश दिले जावेत. जनतेचा आवाज आणि पत्रकारितेची ताकद पुन्हा सिद्ध केले आहे. दिव्य भारत BSM न्यूजची धडक आणि जाब विचारणारी पत्रकारिता यामुळे वर्षानुवर्षे पडलेला रस्ता दुरुस्तीसाठी मंजूर महिनोंपासून दुर्लक्षित तक्रारीवर तात्काळ कारवाई ग्रामस्थांच्या सुरक्षिततेचा मार्ग सुकर अशी परिस्थिती निर्माण झाली आहे.

तथापि, ग्रामस्थांच्या तक्रारीनुसार काम जर पुन्हा नित्कृष्ट झाले, तर प्रशासनावरील अविश्वास आणखी वाढेल, अशी भीती सर्वत्र पसरली आहे.येडशीतील प्रभाग पाच मधील हा रस्ता दर्जेदार बनो, अशी अपेक्षा ग्रामस्थांची आहे — आणि दिव्य भारत BSM न्यूज यावर पुढील देखरेख करत राहील.

दिव्य भारत बीएसएम न्यूज
येडशी प्रतिनिधी : सुभान शेख
मुख्य संपादक डॉ. भागवत महाले