🟣 सप्तशृंग गडावर घाटात कार 1000 ते 1200 फूट खोल दरीत कोसळून भीषण अपघात; ६ जण ठार

दिव्य भारत बीएस एम न्यूज : दिनांक : 07-12- 2025

नाशिक , (प्रतिनिधी ) :-

सप्तशृंगी गडावर घाटात इनो गाडी थेट दरीत कोसळून भीषण अपघात झाला असून गाडीतील सहा जणांचा मृत्यू झाल्याची प्राथमिक माहिती समोर येत आहे. सदरील व्यक्ती ही पिंपळगाव चिंचखेड येथील असल्याची माहिती मिळत आहे. सप्तशृंगी गड येथील गणपती घाटात इनोवा कार 1000 ते1200 फूट खोल दरीत कोसळून भीषण अपघात झाल्याची घटना घडली आहे. मृतांमध्ये दोन महिला व चार पुरुषांचा समावेश आहे.
दरम्यान सदर इनो कार मध्ये एकूण सात प्रवासी प्रवास करत होते. त्यापैकी सहा जणांचा मृत्यू झाल्याचा अंदाज आहे. मिळालेल्या माहितीनुसार आज दुपारी सप्तशृंगी गडावर दर्शनासाठी जात असताना इनोवा कार एमएच १५ बीएन 0555 खोल दरी कोसळून अपघात झाला तसेच अद्याप मृतदेहाची ओळख पटली नसून मृतदेह दरीतून बाहेर काढले जात आहेत. दरम्यान अपघाताची माहिती मिळताच स्थानिक नागरिकासह पोलीस घटनास्थळी दाखल झाले आहेत. आपत्ती व्यवस्थापनाकडून लागलीच बचाव कार्य सुरू झाले आहे.
सदर घटना ही अतिशय दुर्दैवी असून नाशिक जिल्ह्यात हळहळ व्यक्त होत आहे. जिल्ह्यातील येणाऱ्या देव दर्शनासाठी येणाऱ्या भाविकांना या घटनेने भीतीच वातावर पसरले आहे. दरम्यान घाटातील सुरक्षा वाढवण्याची आवश्यकता निर्माण झाली असून ठिकठिकाणी माहिती बोर्ड फ्लेक्स लावण्याची गरज आहे. त्याच्यातून गाडी चालकांना दिशा मिळू शकेल आणि वाहनावरील ड्रायव्हिंग करताना नियंत्रण कसे करता येईल यासाठी स्पीड ब्रेकर याची व्यवस्था ही करण्यात यावी, अशी मागणी नागरिकांनी केली आहे.

दिव्य भारत बीएस एम न्यूज :