दिव्य भारत बीएसएम न्यूज : दि. 10 जानेवारी 2026 |

येडशी येथे भव्य अखंड हरिनाम सप्ताह शुक्रवारपासून प्रारंभ
श्री गणेश जयंती व छत्रपती शिवाजी महाराज जयंतीनिमित्त धार्मिक–सांस्कृतिक महोत्सव

येडशी, ता. धाराशिव | दि. 10 जानेवारी 2026 | प्रतिनिधी : सुभान शेख

धाराशिव तालुक्यातील येडशी गावात श्री गणेश जयंती व छत्रपती शिवाजी महाराज जयंतीच्या पावन पर्वानिमित्त भव्य अखंड हरिनाम सप्ताहाचे आयोजन करण्यात आले असून शुक्रवार, दि. 16 जानेवारी 2026 पासून या सप्ताहास विधिवत प्रारंभ होणार आहे. येडशी येथील श्री विघ्नहर्ता गणेश मंदिरात हा धार्मिक–सांस्कृतिक सोहळा दि. 16 ते 23 जानेवारी 2026 या कालावधीत सलग आठ दिवस मोठ्या भक्तिभावात साजरा होणार आहे.

या अखंड हरिनाम सप्ताहात नामस्मरण, हरिपाठ, कीर्तन, प्रवचन, शिवचरित्र, संतचरित्र कथा, तसेच महाप्रसाद व सांस्कृतिक कार्यक्रमांचे आयोजन करण्यात आले असून परिसरातील भाविकांमध्ये उत्साहाचे वातावरण निर्माण झाले आहे. ग्रामस्थ, आयोजक मंडळ व सप्ताह परिवाराच्या वतीने सर्व भाविक भक्तांना मोठ्या संख्येने उपस्थित राहण्याचे आवाहन करण्यात आले आहे.

सप्ताहाचा सविस्तर कार्यक्रम:

दि. 16 जानेवारी 2026, शुक्रवार
अखंड हरिनाम सप्ताहाचा शुभारंभ

• ह.भ.प. श्री परमेश्वर महाराज बोधले (कळंब–डिकसळ)
• कीर्तनकार सौजन्य : श्री दत्तात्रय भागवत देशमुख
• अन्नदाते : श्री अशोक भागवत देशमुख

दि. 17 जानेवारी 2026, शनिवार

• शिवचरित्रकार ह.भ.प. श्री प्रविण महाराज दुशींग पाटील (पुणे)
• कीर्तनकार सौजन्य : श्री सुदाम वसंत देशमुख
• अन्नदाते : श्री दीपक गणेश देशमुख

दि. 18 जानेवारी 2026, रविवार

• ह.भ.प. श्री संत बाळुमामा चरित्रकार श्रीराम महाराज गुलदगड (बारामती)
• कीर्तनकार सौजन्य : श्री अर्जुन रामलिंग देशमुख व श्री अशोक अरुण देशमुख
• कै. अरुण केशव देशमुख यांच्या स्मरणार्थ
• अन्नदाते : श्री पांडुरंग कुंडलिक देशमुख

दि. 19 जानेवारी 2026, सोमवार

• सुरमणी ह.भ.प. श्री ज्ञानेश्वर महाराज तांबे (नेवासा)
• कीर्तनकार सौजन्य : श्री विठ्ठल भारत कदम
• कै. शंकरराव नलावडे यांच्या स्मरणार्थ
• अन्नदाते : श्री बाजीराव नलावडे

दि. 20 जानेवारी 2026, मंगळवार

• ह.भ.प. श्री किर्तनकेसरी अक्रूर महाराज साखरे (गेवराई)
• कीर्तनकार सौजन्य : श्री राजेंद्र माधव देशमुख
• कै. विष्णुपंत देशमुख यांच्या स्मरणार्थ
• अन्नदाते : श्री संजय विष्णुपंत देशमुख

दि. 21 जानेवारी 2026, बुधवार

• ह.भ.प. श्री कविराज महाराज झावरे (पारनेर)
• कीर्तनकार सौजन्य : श्री मोईन अनंता देशमुख
• अन्नदाते : श्री मयुर राजेंद्र गुरव

दि. 22 जानेवारी 2026, गुरुवार

• ह.भ.प. श्री विशाल महाराज खोले (मुक्ताईनगर)
• ज्ञानदाते : विघ्नहर्ता गणेश जयंती सप्ताह परिवार
• अन्नदाते : श्री चांगदेव सखाराम सस्ते

दि. 23 जानेवारी 2026, शुक्रवार (समारोप)

• ह.भ.प. श्री प्रकाश महाराज बोधले (कळंब–डिकसळ)
• सकाळी 10 ते 12 : काल्याचे कीर्तन
• कीर्तनकार सौजन्य : चेअरमन श्री निलेश तुकाराम देशमुख
• महाप्रसाद अन्नदाते : श्री धर्मराज पंडित देशमुख

सायंकाळी 8 ते 11

• टीव्ही स्टार भाऊज्ञकर व श्री गणेश महाराज घाटोळे
• जुगलबंदी संगीत कार्यक्रम

धार्मिकतेसोबत सांस्कृतिक रंग :

या अखंड हरिनाम सप्ताहात भक्ती, श्रद्धा व संस्कृती यांचा सुरेख संगम अनुभवायला मिळणार आहे. नामस्मरण व कीर्तनातून भक्तीचा जागर, तर शिवचरित्र व संतचरित्र कथांमधून समाजप्रबोधनाचा संदेश दिला जाणार आहे. महाप्रसादाच्या माध्यमातून सामाजिक एकोपा जपला जाणार असून, सांस्कृतिक कार्यक्रमांमुळे वातावरण भक्तिरसात न्हाऊन निघणार आहे.

भाविकांना आवाहन :

येडशी गावासह परिसरातील सर्व भाविकांनी कुटुंबासह या भव्य अखंड हरिनाम सप्ताहात सहभागी होऊन नामस्मरणाचा लाभ घ्यावा, तसेच धार्मिक–सांस्कृतिक परंपरेचा साक्षीदार व्हावे, असे आवाहन आयोजक मंडळ, विघ्नहर्ता गणेश जयंती सप्ताह परिवार व ग्रामस्थांच्या वतीने करण्यात आले आहे.

“नामस्मरणातून जीवन पावन करा” या भावनेतून येडशी येथे आयोजित हा अखंड हरिनाम सप्ताह निश्चितच भाविकांसाठी आध्यात्मिक पर्वणी ठरणार आहे