दिव्य भारत बीएसएम न्यूज : गुरुवार : 12 मार्च 2026

जिल्हा. परिषद. शाळा मोकपाडाच्या ऋषी बागुलची ‘सायन्स टॅलेंट बी’ परीक्षेत गगनभरारी; सुरगाणा तालुक्यातून प्रथम.

​पळसण ,(प्रतिनिधी : हिरामण चौधरी) :-

तालुक्यातील दुर्गम भागातील विद्यार्थ्यांनी आपल्या जिद्दीच्या जोरावर यशाची शिखरे सर करण्यास सुरुवात केली आहे. जिल्हा परिषद शाळा मोकपाडा (ता. सुरगाणा)येथील इयत्ता चौथीचा विद्यार्थी ऋषी बागुल याने ‘सायन्स टॅलेंट बी’ या विज्ञान स्पर्धेत ५० पैकी ५० गुण मिळवून सुरगाणा तालुक्यातून प्रथम येण्याचा मान पटकावला आहे. त्याच्या या दैदीप्यमान यशामुळे सर्वत्र कौतुक होत आहे.
​छोट्या गावातील मोठा संकल्प:
​ऋषी हा मुळचा उंबरदे (पळसन) या एका छोट्याशा खेडेगावातील रहिवासी आहे. अत्यंत साध्या परिस्थितीत राहून आणि ग्रामीण भागातील मर्यादित संसाधनांचा वापर करून त्याने विज्ञानासारख्या कठीण विषयात पैकीच्या पैकी गुण मिळवले आहेत. त्याच्या या यशामुळे ‘हौसले बुलंद असतील तर परिस्थिती अडथळा ठरू शकत नाही’, हे पुन्हा एकदा सिद्ध झाले आहे.​गुरुजनांचे लाभले मार्गदर्शन : ​कोणत्याही यशामागे योग्य मार्गदर्शनाचा वाटा मोठा असतो. ऋषीला या परीक्षेसाठी मोकपाडा शाळेतील मुख्याध्यापक रामचंद्र अलबाड, उपशिक्षण.हरी भोये

यांचे मोलाचे मार्गदर्शन लाभले. शिक्षकांनी त्याच्यातील विज्ञानाची ओढ ओळखून त्याला परीक्षेसाठी विशेष तयारी करून घेतली होती.​सर्वत्र अभिनंदनाचा वर्षाव ​ऋषीच्या या यशामुळे केवळ मोकपाडा शाळेचेच नव्हे, तर संपूर्ण उंबरदे गावाचे नाव तालुक्यात उंचावले आहे. त्याच्या या यशाबद्दल शाळा व्यवस्थापन समिती, ग्रामस्थ आणि शिक्षण विभागातील गटशिक्षणाधिकारी अल्पा देशमुख, त्याचे व मार्गदर्शक शिक्षकांचे अभिनंदन करण्यात येत आहे. भविष्यात ऋषीकेशने विज्ञान क्षेत्रात मोठी कामगिरी करावी, अशी इच्छा अनेकांनी व्यक्त केली आहे.

दिव्य भारत बीएसएम न्यूज : गुरुवार : 12 मार्च 2026