दिगंबर भुजबळ यांना ‘ध्येय’ राज्यस्तरीय गौरव पुरस्कार 2024 प्रदान 

β⇔ दिव्य भारत बीएसएम न्यूज वृत्तसेवा : नाशिक : बुधवार : दि, 03 ऑक्टोबर  2024

β⇔नाशिक,दि,03(प्रतिनिधी :कु.लीना महाले):- महाकवी कालिदास नाट्यमंदिर, शालीमार, नाशिक येथे आयोजित विशेष समारंभात  प्राथमिक शिक्षक दिगंबर भुजबळ यांना ”’ध्येय’ राज्यस्तरीय गौरव पुरस्कार 2024” प्रदान करण्यात आला. दैनिक ‘युवा ध्येय’ या वृत्तपत्राच्या तेराव्या वर्धापन दिनानिमित्त आणि नाशिक विभागीय कार्यालयाच्या शुभारंभ निमित्त आयोजित या सोहळ्यात विविध क्षेत्रातील मान्यवर उपस्थित होते.
          कार्यक्रमाचे अध्यक्षपद उत्तम कांबळे (ज्येष्ठ पत्रकार व लेखक) यांनी भूषवले, तर प्रमुख पाहुणे म्हणून माजी शिक्षण संचालक (महाराष्ट्र राज्य) दिनकर टेमकर, माजी शिक्षणाधिकारी अरुण धामणे उपस्थित होते. प्रमुख वक्ते दिनेश आदलिंग आणि प्रमुख आकर्षण अभिनेते रिशी जोरवर यांनीही कार्यक्रमाला गौरव वाढवला. प्राथमिक शिक्षक गणेश महाले यांना आदर्श शिक्षक पुरस्कार प्रदान करण्यात आला. 
         प्राथमिक शिक्षक  दिगंबर भुजबळ यांना शैक्षणिक क्षेत्रात केलेल्या उल्लेखनीय कार्याबद्दल ‘ध्येय’ राज्यस्तरीय गौरव पुरस्कार प्रदान करण्यात आला. कार्यक्रमात डॉ. भागवत महाले, शंकर शेलार, प्राथमिक शिक्षक गणेश महाले  यांच्यासह अनेक मान्यवरांनी आपली उपस्थिती नोंदवली. सदर सोहळ्यात ‘युवा ध्येय’ वृत्तपत्राच्या विशेषांकाचे प्रकाशनही करण्यात आले, ज्यामुळे कार्यक्रमाची शोभा अधिकच वाढली. पुरस्कार मिळाल्याबद्दल सर्वत्र मित्र परिवारातून  अभिनंदन होत आहे.