🔊 Listen to this

संदीप फाऊंडेशन  फार्मसी महाविद्यालयात राष्ट्रीय ग्रंथपाल दिन उत्साहात  साजरा

β ⇒  दिव्य भारत बीएसएम न्यूज वृत्तसेवा :: नाशिक , शनिवार, 12 ऑगस्ट 2023 

β ⇒ महिरावनी (नाशिक ) 12 ( प्रतिनिधी : डॉ. कमलेश दंडगव्हाळ ) :-  येथील संदीप फाऊंडेशन संचालित संदीप इन्स्टिटयूट ऑफ फार्मास्युटिकल सायन्सेस महाविद्यालयात  राष्ट्रीय ग्रंथपाल दिन साजरा करण्यात  आला. या प्रसंगी पुस्तकांचे प्रदर्शन आयोजित करण्यात आले. प्राचार्य डॉ लक्ष्मीकांत बोरसे यांनी विद्यार्थ्यांना ग्रंथालयाचे समाजाच्या विकासात महत्त्वपूर्ण योगदान आहे. म्हणून ग्रंथालयामध्ये उपलब्ध असलेल्या पुस्तकस्वरूपी माहितीचे वाचन करून समाज शिक्षित होतो. वाचन केल्याने माणसाचा सर्वांगीण विकास होतो, असे  सांगितले . महाविद्यालयाचे ग्रंथपाल श्री अमोल शिंदे म्हणाले की, आजच्या डिजिटल युगात माहितीचे वेगवेगळे स्त्रोत उपलब्ध आहेत. इंटरनेटच्या माध्यमातून मोबाईल, समाज माध्यमे यावर माहिती उपलब्ध होत असते. आजची ग्रंथालये दोन माध्यमातून लोकांना सेवा देतात- ई जर्नल, ई-बुक्स याचबरोबर छापील पुस्तके लोकांच्या ज्ञानाची गरज भागवत असतात. बदलत्या काळाप्रमाणे ग्रंथालयाचेही स्वरूप बदलत चालले आहे.
प्रा. डॉ. कमलेश यांनी राष्ट्रीय ग्रंथपाल दिनाचे महत्व व भारतीय ग्रंथालय शास्रात डॉ.एस.आर.रंगनाथन यांचे योगदान थोडक्यात सांगितले.संदीप फाउंडेशनचे चेअरमन डॉ. संदीप झा, ओ. एस. डी. प्रमोद करोले आदी मान्यवरांनी शुभेच्छा दिल्या. या कार्यक्रमाचे व्यवस्थापन श्री. दत्तात्रेय भालेराव यांनी केले. या वेळी महाविद्यालयातील सर्व प्राध्यापक, विद्यार्थी आणि कर्मचारी उपस्थित होते.

β ⇒ दिव्य भारत बीएसएम न्यूज वृत्तसेवा :: मुख्य संपादक : डॉ. भागवत महाले ,