त्र्यंबकेश्वर महाविद्यालयात विविध उपक्रमांनी “राष्ट्रीय विज्ञान दिवस” साजरा
β⇔ दिव्य भारत बीएसएम न्यूज वृत्तसेवा : नाशिक : बुधवार : दि, 28 फेब्रुवारी 2024
β⇔त्र्यंबकेश्वर,दि.28 (प्रतिनिधी : प्रा.समाधान गांगुर्डे):-येथील मराठा विद्या प्रसारक समाजाचे कला, वाणिज्य व विज्ञान महाविद्यालय त्र्यंबकेश्वर येथे दि.28 फेब्रुवारी 2024 रोजी ‘राष्ट्रीय विज्ञान दिवस ‘उत्साहात साजरा करण्यात आला. महाविद्यालयाचे प्राचार्य डॉ. दिलीप पवार यांनी कार्यक्रमाचे अध्यक्षस्थानी होते . ते आपल्या अध्यक्षीय भाषणात म्हणाले ,की ” विज्ञान शाखेच्या विद्यार्थ्यांमध्ये भविष्यातील वैज्ञानिक दडलेले असतात. निसर्गातील घटनांविषयी विद्यार्थ्यांना प्रश्न पडले पाहिजे. त्या प्रत्येक घटितामागील कार्यकारणभाव जाणून घेणे शोधासाठी आवश्यक ठरते.समाजातील अंधश्रद्धा दूर करण्यासाठी विज्ञानाच्या विद्यार्थ्यांनी प्रयत्न करावे .श्रद्धे मागे विज्ञान असून विद्यार्थ्यांनी श्रद्धेमागचे हे विज्ञान जाणून घ्यायला हवे. तसेच अंधश्रद्धा व श्रद्धा याविषयी विज्ञानातील ज्ञानाच्या बळावर समाजाचे प्रबोधन करावे.”.असे मत त्यांनी व्यक्त केले “. त्यांनी आपल्या भाषणातून अंधश्रद्धा व श्रद्धा याविषयी विविध दाखले दिले.
यावेळी विज्ञानमंडळ प्रमुख डॉ. अजित नगरकर यांनी विज्ञान दिनानिमित्त विद्यार्थ्यांना मार्गदर्शन केले. विज्ञान दिनानिमित्त महाविद्यालयात विविध प्रकारच्या स्पर्धा घेण्यात आल्या.या मध्ये प्रामुख्याने पोस्टर प्रेसेंटेशन,रांगोळी स्पर्धा व वैज्ञानिक साहित्य व प्रतिकृती यांचे प्रदर्शन भरविण्यात आले. या मध्ये महाविद्यालयातील सर्व विभागातील विद्यार्थी मोठ्या संख्येने सहभागी घेतला. कार्यक्रमाचे प्रास्ताविक कु. साक्षी तिदमे हिने केले , कार्यक्रमाचे सूत्रसंचालन कु.दीपाली जानेकर हिने केले तर उपस्थितांचे आभार प्रदर्शन कु. फशा लचके यांनी केले. कार्यक्रमास महाविद्यालयातील सर्व प्राध्यापक व विद्यार्थी मोठ्या संख्येने उपस्थित होते.
β⇔ दिव्य भारत बीएसएम न्यूज : मुख्य संपादक : डॉ. भागवत महाले : मो. 8208180510
