बिटको महाविद्यालयात डॉ. विनायक गोविलकर यांचे ५ ऑक्टोबर ला ‘ भारतीय अर्थव्यवस्था ‘ या विषयावर व्याख्यान
β⇒ दिव्य भारत बीएस एम न्यूज : नाशिक : बुधवार : दि. ४ ऑक्टोबर २०२३
β⇒ नाशिकरोड , ता. ४ ( प्रतिनिधी : संजय परमसागर ) :- गोखले एज्युकेशन सोसायटीच्या नाशिकरोड येथील बिटको महाविद्यालयात गुरुवार , दि. ५ ऑक्टोबर २०२३ रोजी सर डॉ. मो. स. गोसावी स्मृतिप्रीत्यर्थ जेष्ठ अर्थतज्ज्ञ सर डॉ. विनायक गोविलकर यांचे भारतीय अर्थव्यवस्था : स्थिती , सामर्थ्य आणि आव्हाने या विषयावर व्याख्यान आयोजित करण्यात आले आहे याप्रसंगी गोखले एज्युकेशन सोसायटीच्या सचिव व खजिनदार प्राचार्या डॉ. दिप्ती देशपांडे अध्यक्षस्थानी उपस्थित राहणार आहेत . नाशिकरोड शाखा सचिव व विश्वस्त डॉ. आर. पी. देशपांडे , विभागीय सचिव प्रा. डॉ. राम कुलकर्णी , प्राचार्य डॉ. व्ही. एन. सुर्यवंशी , प्राचार्य पी.एम. देशपांडे , आस्थापना संचालक शैलैश गोसावी आदी मान्यवर उपस्थित राहणार आहेत . यावेळी मान्यवरांच्या हस्ते ‘ उन्मेष ‘ या वार्षिक अंकाचे प्रकाशन होणार आहे . सर डॉ. मो. स. गोसावी विचारधन प्रदर्शन व रांगोळी प्रदर्शन व निबोधीचे अभिवाचन असा कार्यक्रम होणार असल्याची माहिती महाविद्यालयाच्या प्राचार्या डॉ मंजुषा कुलकर्णी यांनी दिली .
β⇒ दिव्य भारत बीएस एम न्यूज : मुख्य संपादक : डॉ. भागवत महाले : मो. ८२०८१८०५१०
