🔊 Listen to this

प्रा.डॉ. भागवत गाडेकर यांच्या “राष्ट्रीय शैक्षणिक धोरणाचा उच्चशिक्षणावरील परिणाम” शोधनिबंधास उत्कृष्ट शोधनिबंध पुरस्कार

β⇔दिव्य भारत बीएसएम न्यूज  वृत्तसेवा : नाशिक : मंगळवार : दि. 2 जानेवारी 2024

β⇔नाशिक, ता.2:(प्रतिनिधी : संजय परमसागर ):– नाशिकच्या गोखले एज्युकेशन सोसायटीचे आर. एन. सी. आर्ट्स, जे.डी. बी. कॉमर्स आणि एन.एस.सी.विज्ञान महाविद्यालयाचे व्यावसायिक अर्थशास्त्र विभाग प्रमुख व सावित्रीबाई फुले पुणे विद्यापीठाचे व्यावसायिक अर्थशास्त्र अभ्यास मंडळ सदस्य प्रा. डॉ. भागवत गाडेकर यांच्या  शोधनिबंधास उत्कृष्ट शोधनिबंध पुरस्कार प्रदान करण्यात आला. नुकताच लखनऊ येथील गिरी विकास संस्थेत झालेल्या इंडियन इकॉनॉमिक्स असोसिएशनच्या १०६ व्या वार्षिक आंतरराष्ट्रीय परिषदेत दि. २८ डिसेंबर २०२३ रोजी “ राष्ट्रीय शैक्षणिक धोरणाचा महाराष्ट्रातील उच्च शिक्षणावरील परिणाम एक अभ्यास”या विषयावर शोधनिबंध सादर केला. त्या शोध निबंधास उत्कृष्ट शोध निबंध म्हणून गौरविण्यात आले. 

          याप्रसंगी व्यासपीठावर सत्र चेअरमन म्हणून चिंचणी कॉलेजचे प्रा. डॉ. दीपक शेलार  आणि गिरी संशोधन संस्थेतील प्रा. डॉ. शिल्प शिखा सिंह  व डॉ. मंसुर आली  यांच्यासह भारतभरातून अर्थशास्रातील तज्ज्ञ प्राध्यापक उपस्थित होते. सदरच्या शोध निबंधात डॉ. भागवत गाडेकर यांनी राष्ट्रीय शैक्षणिक धोरण राबवित असताना येणाऱ्या अडचणी विषयी माहिती सादर केली.या शोधनिबंधाच्या सादरीकरणास उत्कृष्ट सादरीकरणाचा पुरस्कार देण्यात आला, त्याबद्दल त्यांचे गोखले एज्युकेशन सोसायटीच्या सचिव डॉ. दीप्ती देशपांडे, महाविद्यालयाच्या प्राचार्या डॉ.मंजुषा कुलकर्णी  उपप्राचार्य आणि सर्व प्राध्यापक मित्र मंडळीकडून अभिनंदन करण्यात आले.

β⇔दिव्य भारत बीएसएम न्यूज :मुख्य संपादक :डॉ भागवत महाले : मो. ८२०८१८०५१०