कॉ. जे. पी. गावीत यांच्या शिष्टमंडळांला सरकारने केले मंत्रालयात आमंत्रित
β⇔ दिव्य भारत बीएसएम न्यूज वृत्तसेवा : नाशिक : मंगळवार : दि, 27 फेब्रुवारी 2024
β⇔सुरगाणा (ग्रामीण),दि.27( खास प्रतिनिधी: पांडुरंग बिरार ):- आज दिनांक 27 फेब्रुवारी रोजी नाशिक जिल्ह्यातील ग्रामीण भागातून नाशिक जिल्हाधिकारी कार्यालयांवर शेतकऱ्यांचा मोर्चा घेऊन आलेले माजी आमदार कॉ. जे. पी. गावीत यांचे शिष्टमंडळांला मंत्रालयात बोलणीसाठी आमंत्रित केले आहे. महसूल मंत्री नामदार राधाकृष्ण विखे पाटील, वनमंत्री मुनगंटीवार यांच्या आमंत्रनानुसार आज संध्याकाळी हे शिष्टमंडळ मुबई येथे मंत्रालयात पोहचले.
2018 च्या ऐतिहासीक लाँग मार्च पासून 2023 पर्यंत गोर-गरीब आदिवासी शेतकरी बांधवांना आशेवर ठेऊन विश्वासघात केला, त्यामुळे नाशिक जिल्ह्यातील सर्व तालुक्यांच्या प्रत्येक गावातून नागरिक 80 ते 100 किलोमिटर अंतर पायपीट करत नाशिक जिल्हाधिकारी कार्यालयावर धडकले. यावेळी पक्का निर्धार करुण मार्क्सवादी कम्युनिस्ट पक्ष, किसान सभा, पक्षाच्या संघटना आणि खंबीर आणि धडाडीचे आक्रमक लोकनेते कॉ. जे. पी. गावीत त्यांचे कार्यकर्ते सुमारे वीस हजार नागरिकांना सोबत होते.
पालकमंत्री दादा भुसे यांनी तात्काळ दखल घेत मंत्रालयात बैठक आयोजित केली. कॉ जे पी गावीत यांनी फॉरेस्ट प्लॉट, स्वतंत्र सातबारा, दहा एकर जमीन, शेतमालाला हमीभाव, जूनी पेन्शन योजना, वृद्धापकाळ योजना, आशा वर्कर्स, अंगणवाडी सेविका मदतनीस, डाटा ऑपरेटर, ग्रामपंचायत कर्मचारी, यांना कायमस्वरूपी सेवेत घ्या, शबरी घरकूल योजना, चोवीस तास वीज पुरवठा, थकीत वीजबिल माफ करने अशा मागण्या मंत्रालयातील मंत्र्यांसमोर मांडण्यात आल्या , संपुर्ण मागण्या पूर्ण करा अन्यथा उद्यापासून मी स्वतः आणि सबंध मोर्चेकरी बेमुदत आमरण उपोषण करणार असल्याचे ठणकावून सांगितले. त्यामुळे सहा वाजेपासून शिष्टमंडळ आणि मंत्रीमहोदय यांच्यातील बैठक सुरु झाली होती.शेतकऱ्यांचा मोर्चा नाशकात मुक्काम जेवणाची सोय सुविधा करण्यात आली आहे .
β⇔ दिव्य भारत बीएसएम न्यूज : मुख्य संपादक : डॉ भागवत महाले : मो. 8208180510
