🔊 Listen to this

सलग चौथ्या दिवशी शिक्षकांचे घंटानाद आंदोलन सुरू ! 
सेवानिवृत्त शिक्षकांची अंशराशीकरणाची १२ लाखापेक्षा अधिक रक्कमेचा अपहार;  साखळी उपोषण तदनंतर आमरण उपोषण

β⇔दिव्य भारत बीएसएम न्यूज वृत्तसेवा : नाशिक : गुरुवार : दि.27 मार्च  2025

🅱️⇔निफाड( नाशिक),दि.27 (प्रतिनिधी-रावसाहेब जाधव ):- पंचायत समिती निफाड समोर महाराष्ट्र राज्य शिक्षक परिषद राज्य सरचिटणीस कार्यवाह संजय बबनराव पगार यांच्या नेतृत्वात सातवा वेतन आयोग सेवा पुस्तक पडताळणी संबंधी अक्षम्य दिरंगाई बाबत संबंधित कर्मचाऱ्यांवर जबाबदारी निश्चित करून कारवाई करणे बाबत मागणी पूर्ण न झाल्याने सलग चौथ्या दिवशी आंदोलन सुरू आहे. यादरम्यान सेवानिवृत्त शिक्षकांचे सेवानिवृत्तीनंतर पेन्शन फरक, अंशराशीकरण, सहावे वेतन आयोग, चौथा-पाचवा आयोग यांच्या रकमा वारंवार विनंती करूनही न मिळाल्याने आमरण उपोषण करणार आहे.
                 सेवानिवृत्त शिक्षकांची पैसे कार्यालयीन अधीक्षक व गटशिक्षणाधिकारी यांनी संगममत करून अपहार करुन भ्रष्टाचार केला आहे. सर या संदर्भात चौकशी होऊन कारवाई त्वरित होणे व सेवानिवृत्त शिक्षकांना न्याय मिळणे आवश्यक आहे. तसेच ऑगस्ट 2018 रोजी सातव्या वेतन आयोगाच्या वेतन निश्चिती झाल्यानंतर तब्बल सात वर्षे होऊन गेली परंतु अद्यापही संबंधित सेवा पुस्तकांची पडताळणी शिक्षण विभागाने केलेली नाही. या कारणास्तव संबंधित दिरंगाई करणाऱ्या सर्व कर्मचाऱ्यांवर जबाबदारी निश्चित करून कारवाई होईपर्यंत प्रथम दोन दिवस धरणे आंदोलनानंतर घंटानाद आंदोलन सुरू आता साखळी व आमरण उपोषण करण्याचा इशारा शिक्षक परिषदेने दिला आहे.गटशिक्षणाधिकारी यांना दिरंगाईस जबाबदार असलेल्या कर्मचाऱ्यांवर जबाबदारी निश्चित करण्याची कारवाई करणे अपेक्षित परंतु अद्यापही त्यासंबंधी कार्यवाही झालेली नाही.
             राज्य सरचिटणीस कार्यवाह संजय बबनराव पगार, जिल्हाध्यक्ष रमेश रघुनाथ गोहिल, जिल्हा सरचिटणीस कार्यवाह रावसाहेब बहिरू जाधव, कार्याध्यक्ष उत्कर्ष कोंडावार,जिल्हा कार्यकारी अध्यक्ष मिलिंद धिवरे, निफाड तालुका नेते प्रवीण कोळी, निफाड तालुकाध्यक्ष संदीप गायकवाड, तालुका सरचिटणीस/कार्यवाह विलास पानपाटील, सेवानिवृत्त शिक्षक लक्ष्मण जोंधळे दिंडोरी सरचिटणीस कार्यवाह श्रावण भोये, किरण पाटील, संघटन मंत्री कैलास बांगर,कार्याध्यक्ष उमेशकुमार शिंदे , महिला आघाडीच्या जयमाला जगताप, मुख्याध्यापक जिल्हा प्रतिनिधी एकनाथ पाटील, जिल्हा सल्लागार राहुल परदेशी, जिल्हा संपर्कप्रमुख संजय सानवणे, पेठ तालुका उपाध्यक्ष अविनाश घोडके,पल्लवी शेंदुर्शे, महेंद्र वाघ, विकास मुळे, उपाध्यक्ष सचिन गुंजाळ, कार्यालयीन मंत्री दीपक मोरे, कार्याध्यक्ष परशुराम ठाकरे, उपाध्यक्ष राजेंद्र सोनजे, प्रशांत कोळी, महेश कोर, पुंडलिक शिंगाडे राहुल , राहुल बच्छाव, महेश जाधव, बापू शिंगाडे, नितेश पवार बाबुलाल शिंदे, दीपक सुरंजे आदी उपस्थित होते.

β⇔ दिव्य भारत बी एस एम न्यूज : मुख्य संपादक : डॉ . भागवत महाले : मो. 918208180510 

(‘दिव्य भारत बीएसएम न्यूज’ची बातमी शेअर व लाईक करा आणि सबस्क्राईब करा, बेल आयकॉन बटणवर प्रेस करा. ताज्या बातम्या व घडामोडी नियमित बघत राहा. “दिव्य भारत बीएसएम न्यूज” )