🔊 Listen to this

त्र्यंबकेश्वर महाविद्यालयात करिअर जागरूकता कार्यशाळा संपन्न

β⇔ दिव्य भारत बीएसएम न्यूज वृत्तसेवा : नाशिक : शुक्रवार : दि, 30 ऑगस्ट  2024

β⇔ त्र्यंबकेश्वर, 30  (प्रतिनिधी :  खास प्रतिनिधी ) :- ‘केंद्र सरकारच्या नवीन नियमावलीनुसार प्रत्येक खासगी आणि सार्वजनिक कंपनीला कंपनी सेक्रेटरीची नियुक्ती करणे बंधनकारक असल्याने विद्यार्थ्यांना करिअरच्या दृष्टिकोनातून कंपनी सचीव हा कोर्स म्हणजे मोलाची संधी आहे,असे प्रतिपादन वेस्टर्न इन्स्टिटय़ूट ऑफ रिसर्च कौन्सिलच्या प्रमुख राजश्री लंबे यांनी प्रतिपादन केले. म.वि.प्र.च्या कला वाणिज्य व विज्ञान महाविद्यालय त्र्यंबकेश्वर महाविद्यालयात वाणिज्य शाखेच्या विद्यार्थ्यांसाठी आयोजित करिअर जागरूकता कार्यशाळेत प्रमुख वक्त्या म्हणून त्या बोलत होत्या. महाविद्यालयाचे प्राचार्य डॉ दिलीप पवार कार्यक्रमाच्या अध्यक्षस्थानी होते.

              महाविद्यालयाचे प्राचार्य डॉ दिलीप पवार म्हणाले, की “काॅमर्सच्या माध्यमातून कुशल मनुष्यबळाची निर्मिती होणार आहे. नकारात्मकतेची जागा जेव्हा सकारात्मकता घेते, तेव्हा प्रत्येक कुरूप गोष्टीमध्ये सुरूपता दिसू लागते. भाषिक व व्यावसायिक कौशल्यांच्या बळावर करिअरच्या संधी विद्यार्थ्यांना साद घालत आहेत. निर्णय चुकला तरी चालेल पण तो घेतलाच पाहिजे. विद्यार्थ्यांने कायम कृतीशिल असले पाहिजे, असे प्रतिपादन केले.

               प्रा. श्रीमती नीता पुणतांबेकर यांनी प्रास्ताविकात कंपनी सेक्रटरी हा कोर्स विद्यार्थ्यांना दुरस्थ शिक्षणाच्या माध्यमातून ही उपलब्ध असल्याने ग्रामीण भागातील विद्यार्थ्यांना करिअरच्या उत्तम संधी भविष्यात उपलब्ध होतील असे सांगीतले. प्रा. श्रीमती श्वेताली सोनवणे यांनी सूत्रसंचालन केले. तर प्रास्ताविकात. प्रा. श्रीमती शाश्वती निरभवणे यांनी परिचय आणि आभार मानले. कार्यक्रमाच्या यशस्वीतेसाठी डाॅ. वैशाली जाधव, प्रा. निलेश म्हरसाळे, प्रा. ह्रषीकेश गोतरणे, प्रा. संकेत भोर यांनी प्रयत्न केलेत. कार्यक्रमाला वाणिज्य शाखेतील विद्यार्थी मोठ्या संख्येने उपस्थित होते.

β⇔ दिव्य भारत बीएसएम न्यूज : मुख्य संपादक : डॉ. भागवत महाले :  मो. 8208180510

(‘दिव्य भारत बीएसएम न्यूज‘ची बातमी शेअर व लाईक करा आणि सबस्क्राईब करा, बेल आयकॉन बटणवर प्रेस करा.                           ताज्या बातम्या व घडामोडी नियमित बघत राहा. “दिव्य भारत बीएसएम न्यूज” )