सायखेडा विद्यालयात ‘ विद्युत सुरक्षा समुपदेशन ‘ यावर व्याख्यान
β⇔ दिव्य भारत बीएसएम न्यूज वृत्तसेवा : नाशिक : शुक्रवार : दि, 21 जून 2024
β⇔सायखेडा, दि.21 (प्रतिनिधी :राजेंद्र कदम):-प्रादेशिक प्रशिक्षण केंद्र नाशिक व प्रशिक्षण व सुरक्षा विभाग एकलहरे, नाशिक यांच्या संयुक्त विद्यमाने सायखेडा येथील जनता इंग्लिश विद्यालयात” विद्युत सुरक्षा समुपदेशन” या विषयावर अतिरिक्त कार्यकारी अभियंता डॉ. जितेंद्र कुमार राठोड व कनिष्ठ अभियंता अफसर शेख यांच्या व्याख्यानाचे आयोजन करण्यात आले होते.
कार्यक्रमाच्या अध्यक्षस्थानी विद्यालयाचे प्राचार्य नवनाथ निकम होते. यावेळी सहाय्यक अभियंता संदीप गडाख विद्यालयाचे प्राचार्य नवनाथ निकम पर्यवेक्षक राम ढोली उपस्थित होते. यावेळी अतिरिक्त कार्यकारी यावेळी अभियंता डॉ . जितेंद्र कुमार राठोड यांनी आपल्या व्याख्यानातून पावसाळ्यात विजेपासून संभावणारे धोके जाणून घेणे व त्यावर त्वरित उपाययोजना कशी करावी हे प्रात्याशिकासह करून दाखवले. त्यावर उपाययोजना जसे की विजेच्या खांबाला हात लावू नये, तारेचा ताण असेल तर त्यास खेटू नये, त्याला धक्का लावू नये.
एखाद्या ठिकाणी विजेची तार तुटली असेल अशा वेळेला कोणती काळजी घ्यावी. घरात विद्युत उपकरणे हाताळताना किंवा आणीबाणीची परिस्थितीमध्ये कोणत्या उपाययोजना कराव्यात शेतकरी शेतात काम करत असतात, पशुपालक हे जेव्हा आपल्या प्राण्यांबरोबर असतात. अशा वेळेला काही जर प्रसंग या विजेच्या तारेमुळे उद्भवला कोणती काळजी घ्यावी. घरातील स्विच बोर्ड, बटणे, मोबाईल चार्जर कशी हाताळावी. पतंग उडवताना, तसेच काचेच्या मांजाचा वापर करताना बऱ्याच वेळेला अपघात घडतात. अशा वेळेला अति तातडीची उपाययोजना कशी करावी. याबाबत अतिशय सखोल असं मार्गदर्शन विद्यार्थ्यांना केले. यामुळे विद्यार्थ्यांसमोर अनेक प्रसंगांचं वर्णन करून उद्भवणाऱ्या परिस्थितीला सामोरे कसे जावे याबाबतचे सखोल असं मार्गदर्शन विद्यार्थ्यांना निश्चित मिळाले. कार्यक्रमाचे सूत्रसंचालन सांस्कृतिक कमिटीचे प्रमुख अवधूत आभार यांनी केले तर आभार अशोक टरले यांनी मानले. या कार्यक्रमास सर्व शिक्षक शिक्षकेतर कर्मचारी विद्यार्थी मोठ्या संख्येने उपस्थित होते.
β⇔ दिव्य भारत बीएसएम न्यूज : मुख्य संपादक : डॉ. भागवत महाले : मो. 8208180510
(‘दिव्य भारत बीएसएम न्यूज‘ची बातमी शेअर व लाईक करा आणि सबस्क्राईब करा, बेल आयकॉन बटणवर प्रेस करा. ताज्या बातम्या व घडामोडी नियमित बघत राहा. “दिव्य भारत बीएसएम न्यूज”)
