🔊 Listen to this

राष्ट्रीय ॲमॅच्युर ड्रॉपबॉल स्पर्धेत महाराष्ट्र उपविजेता; कर्णधार शुभम काटे उत्कृष्ट खेळाडू

β⇔दिव्य भारत बीएसएम न्यूज वृत्तसेवा : नाशिक : बुधवार  : दि.26 मार्च  2025

🅱️⇔येडशी(धाराशिव),दि.26 (प्रतिनिधी– सुभान शेख ):- बडनगर, (उज्जैन) येथे २२-२३ मार्च २०२५ – बडनगर, जिल्हा उज्जैन येथे भव्य राष्ट्रीय ॲमॅच्युर ड्रॉपबॉल स्पर्धेचे आयोजन करण्यात आले. मा.खा. अनिलजी फिरोजिया (अध्यक्ष), भास्करजी भागवत (कार्याध्यक्ष) आणि महादेव माने (सचिव) यांच्या नेतृत्वाखाली पार पडलेल्या या स्पर्धेत २० राज्यांतील पुरुष व महिला संघांनी सहभाग नोंदवला. स्पर्धेच्या अंतिम सामन्यात राजस्थानने महाराष्ट्रावर रोमांचक विजय मिळवला. तीन सेट्सच्या या लढतीत पहिला सेट राजस्थानने २५-१९ ने जिंकला, दुसरा सेट महाराष्ट्राने २५-१२ ने जिंकून जोरदार पुनरागमन केले, मात्र तिसऱ्या आणि निर्णायक सेटमध्ये राजस्थानने १५-१३ अशा निसटत्या फरकाने विजय मिळवला.

महाराष्ट्र संघाचा सन्मान आणि पुरस्कार :

    या स्पर्धेत महाराष्ट्र संघ उपविजेता ठरला. संघाचा कर्णधार शुभम काटे याने उत्कृष्ट कामगिरी करत उत्कृष्ट खेळाडूचा किताब पटकावला. त्याला सन्मानचिन्ह आणि रोख ₹२,१०० देऊन गौरविण्यात आले. तसेच महाराष्ट्र संघाला ट्रॉफी आणि ₹३१,००० रोख पारितोषिक प्रदान करण्यात आले.

महाराष्ट्र संघाचे खेळाडू आणि योगदान :

      महाराष्ट्र संघात उपकर्णधार लखन देशमुख, शैमान कोरबू, दिग्विजय भोसले, विश्वजित भोसले, आसिफ शेख, किशोर पाटेकर, सुजित धाबेकर, अजिंक्य अतकरे, उमेश देशमाने यांसारख्या खेळाडूंनी उत्कृष्ट प्रदर्शन केले.

संघाला मान्यवरांचे मार्गदर्शन आणि पाठिंबा :

       स्पर्धेच्या आयोजनात आणि महाराष्ट्र संघाच्या यशामध्ये श्री. महादेव माने (फेडरेशन सचिव), श्री. विजयकुमार सस्ते (असोसिएशन अध्यक्ष), श्री. किरण बिडवे (P.I.), श्री. बाबासाहेब कापसे (उपाध्यक्ष), श्री. अजिंक्य देशमुख (का. अध्यक्ष), श्री. राजेश जी पंजाबी, श्री. विजय देशमुख आणि इतर पदाधिकाऱ्यांचे मार्गदर्शन व सहकार्य लाभले. महाराष्ट्र संघाच्या या कामगिरीमुळे राज्यातील ड्रॉपबॉल क्रीडाप्रेमींमध्ये उत्साहाचे वातावरण आहे.

β⇔ दिव्य भारत बी एस एम न्यूज : मुख्य संपादक : डॉ . भागवत महाले : मो. 918208180510 

(‘दिव्य भारत बीएसएम न्यूज’ची बातमी शेअर व लाईक करा आणि सबस्क्राईब करा, बेल आयकॉन बटणवर प्रेस करा. ताज्या बातम्या व घडामोडी नियमित बघत राहा. “दिव्य भारत बीएसएम न्यूज” )