कडक उन्हाळा, रमजान उपवास, वीजेचा लपंडाव सुरु, येडशी व परिसरातील वीज सुरळीत करण्याची नागरिकांची मागणी
β⇔ दिव्य भारत बीएसएम न्यूज वृत्तसेवा : नाशिक : रविवार : दि, 17 मार्च 2024
β⇔येडशी ,दि.17 (प्रतिनिधी : सुभान शेख):–धाराशिव(उस्मानाबाद) तालुक्यातील येडशी शहर व परिसरात मागील अनेक दिवसांपासून दिवसा, संध्याकाळी व रात्री वीजेचा लपंडाव सुरु असून नागरिक त्रस्त झाले आहेत. सद्या कडक उन्हाळा सुरु झाल्याने नागरिक व शेतकरी सदर विजेच्या लपंडाव मुळे त्रासून गेले आहेत. गेल्या आठवड्यापासून (वीज )लाईटने गायब होत असल्याने विद्यार्थी , शेतकरी, सामान्य नागरिकांत अतिशय नाराजी पसरली आहे. या अगोदर सामान्य नागरिकांनी अनेक वेळा आवाज उठवला होता , तसे वृत्त येडशी प्रतिनिधीने अनेक वेळा प्रकाशित केले आहे.परंतु या विज महावितरणचे वरिष्ठ अधिकाऱ्यांनी कसलेही दखल घेतली नाही.
महाराष्ट्र राज्यात सद्या कडक उन्हाळा सुरू झाला असून या कडाक्याच्या उन्हात पुर्णपणे नागरिक त्रस्त झाले आहेत. या कडक उन्हाळ्यात धगाट्यामुळे येडशी परिसरात वयोवृद्ध महिला, नागरिकांत आरोग्याची भीती वाढत आहे. त्याच बरोबर चालु मार्च महिन्यात मुस्लिम समाजाचे १२ मार्चपासून पवित्र रमजान उपवास सुरू झाले आहेत. या पवित्र रमजान उपवासात सुद्धा येडशी महावितरण विभागाने विजेचा लपंडाव सुरुच ठेवला असल्यायाने दिवसभर वीज बंद – चालू करण्याचा फटका बसत आहे. सदर प्रश्नाकडे महावितरणाकडे येडशी सहाय्यक अभियंता दुर्लक्ष करीत आहेत, कडक उन्हाळ्यात नागरिक त्रासून गेले आहेत. शेतकरी,विद्यार्थी, सामान्य नागरिक यांना फटका बसत आहे.तरी या महावितरणचे वरिष्ठ अधिकाऱ्यांनी लवकरात – लवकर लक्ष देवून येडशी व परिसरातील वीज सुरळीतपणे करण्यात यावी. अशी मागणी येडशी ग्रामस्थांनी केली आहे.
β⇔ दिव्य भारत बीएसएम न्यूज : मुख्य संपादक : डॉ. भागवत महाले : मो. 8208180510
