येडशीत लहान बालकांचा जीव धोक्यात , अंगणवाडीसमोर घाणीचे साम्राज्य , ग्रामपंचायतीचे दुर्लक्ष
β⇔ दिव्य भारत बीएसएम न्यूज वृत्तसेवा : नाशिक : गुरुवार : दि. 23 नोव्हेंबर 2023
β⇔ येडशी (जि.धाराशिव ), ( प्रतिनिधी : सुभान शेख ) :- धाराशिव तालुक्यातील येडशी येथे सुभाष नगर , बलवंड गल्लीतील लहान बालकांच्या अंगणवाडी क्रमांक १८ मधील लहान बालके शिक्षण घेण्यासाठी येत असतात. सदर अंगणवाडी समोर अनेक दिवसांपासून पहाटेच्या सुमारास व दिवसा काही महिला घरातील कचरा आणुन फेकत आहेत . कचऱ्यामुळे घाण पसरली असून दुर्गंधीमुळे डेंग्यू ,ताप ,सर्दी व अन्य रोगराई पसरत आहे.या डेंग्यू सदृश्य वातावरणामुळे लहान बालकांच्या जिवाला धोका निर्माण झाला आहे.
येडशी गावातील अंगणवाडी आशा सेविकाने सतत वारंवार ग्रामपंचायतीकडे विनंती अर्ज करून देखील अद्याप ग्रामपंचायत सरपंच, उप -सरपंच, सदस्य यांनी अंगणवाडीतील लहान बालकांच्या प्रश्नाकडे लक्ष दिले नाही . सदर प्रश्नी नागरिकांनी एखाद्या बालकाच्या संसर्गामुळे डेंग्यूची साथ पसरली तर , या डेंग्यूला सदृश्य वातावरणामुळे रोगराई पसरल्यास याला जबाबदार कोण राहणार ? असा प्रश्न उपस्थित नागरिकांनी केला आहे . येडशी ग्रामपंचायतीकडे कचऱ्याची घंटागाडी असतानाही गावातील महिला , नागरिकांनी जबाबदारीने कचरा घंटागाडीत टाकावा .त्यामुळे स्वच्छात राहील आणि रोगराई पसरणार नाही . गावातील वातावरण आरोग्यदायक, प्रसन्न राहील याची काळजी घ्यावी अशी आशा व्यक्त केली आहे. एखाद्या महिलेने किंवा नागरिकांने रस्त्यावर कचरा टाकले तर , दोनशे रुपयेचा दंड ठोठावला जाईल. असे ग्रामपंचायतकडून आवाहन केले असतांना ग्रामपंचायत कोणताही दंड आकारत नसल्याने अस्वच्छता पसरत आहे .तरी ग्रामपंचायतीने लवकरात – लवकर अर्जाची दखल घेऊन कचरा टाकून अस्वच्छाता पसरवल्यास महिला किंवा नागरिकांना दंड बसविण्यात यावा.अशी मागणी अंगणवाडी आशा सेविका गावातील नागरिकांनी केली आहे.
β⇔ दिव्य भारत बीएसएम न्यूज : मुख्य संपादक : डॉ भागवत महाले : मो. ८२०८१८०५१०
