🔊 Listen to this

राहुड घाटात अपघाताचे सत्र सुरूच, ७ वाहनांचा भीषण अपघात; १ ठार तर २१ जण जखमी

β⇔ दिव्य भारत बीएसएम न्यूज वृत्तसेवा : नाशिक : शनिवार  : दि.22 फेब्रुवारी  2025

🅱️β⇔वणी (नाशिक ): दि. 22 (दिव्य भारत बीएसएम न्यूज : प्रतिनिधी – सुरेश सुराशे): – मुंबई – आग्रा राष्ट्रीय महामार्गावरील राहुड घाटाच्या पायथ्याला असलेल्या तीव्र उतारावरील वळणावर अपघाताचे सत्र सुरूच असून बारा तास उलटत नाही, तोच आज दिनांक २१ फेब्रुवारी रोजी रात्री दहा वाजेच्या सुमारास ७ वाहनांचा भीषण अपघात झाला आहे. त्यात मालेगाव येथील उषा मोहन देवरे वय ४५ या महिलेचा मृत्यू झाला असून २१ प्रवासी उपजिल्हा रुग्णालय चांदवड येथे उपचार घेताय.अपघातात एक एसटी बस, एक कंटेनर, दोन ट्रक व तीन छोट्या कारचा समावेश आहे. सदर अपघाता बाबत मिळालेल्या प्राथमिक माहितीनुसार नाशिकहुन मालेगावच्या दिशेने जात असलेल्या वाहनांमध्ये हा अपघात घडला आहे.
           उतारावरील स्पीड ब्रेकर वर पुढील वाहनाने अचानक ब्रेक लावल्याने मागून येणारे वाहने एकमेकांवर आदळली गेल्याने हा अपघात घडल्याचे प्रथमदर्शीच्या वतीने सांगण्यात येत आहे. कंटेनर हा लहान गाडींवर पडल्याने कंटेनर खाली दबून लहान गाडींचा अक्षरशा चुराडा झाल्याचे पाहायला मिळत आहे. तर एक ट्रक मधील माल हा पूर्णपणे रस्त्यावर पडलेला आहे. त्यामुळे नाशिकहून मालेगावच्या दिशेने जाणारी वाहतूक ठप्प झालेली होती. सदर ठिकाणी दि.२१ फेब्रुवारी रोजी सकाळी साडेसात वाजता ३ वाहनांचा विचित्र अपघात झाला होता त्यात सुदैवाने कुठलीही जीवित हानी झालेली नव्हती . मात्र आता रात्री झालेल्या अपघातात एक महिला मृत झाल्याची प्राथमिक माहिती मिळत असून अनेक जण गंभीर जखमी आहेत. जखमींना चांदवड येथील उपजिल्हा रुग्णालयात दाखल करण्यात आले असून त्यांच्यावर प्राथमिक उपचार सुरू आहेत.

β⇔ दिव्य भारत बी एस एम न्यूज : मुख्य संपादक : डॉ . भागवत महाले : मो. 918208180510 

(‘दिव्य भारत बीएसएम न्यूज’ची बातमी शेअर व लाईक करा आणि सबस्क्राईब करा, बेल आयकॉन बटणवर प्रेस करा. ताज्या बातम्या व घडामोडी नियमित बघत राहा. “दिव्य भारत बीएसएम न्यूज” )