🔊 Listen to this

सेलू यशवंत महाविद्यालयात “लिंगभाव समानता आणि महिला सक्षमीकरण” राष्ट्रीय  चर्चासत्र संपन्न

β⇔दिव्य भारत बीएसएम न्यूज वृत्तसेवा : नाशिक : मंगळवार  : दि.18 मार्च  2025

🅱️⇔सेलू (वर्धा), , दि.18 (प्रतिनिधी– डॉ. संदीप काळे  ):-  यशवंत महाविद्यालय, सेलू येथील महिला सक्षमीकरण कक्षाच्या वतीने “लिंगभाव समानता आणि महिला सक्षमीकरण” (काल, आज आणि उद्या) या विषयावर राष्ट्रीय चर्चासत्राचे आयोजन करण्यात आले. हे चर्चासत्र ऑफलाइन आणि ऑनलाइन या दोन्ही माध्यमांतून संपन्न झाले.
उद्घाटन सोहळा आणि मान्यवरांचे मार्गदर्शन: या चर्चासत्राच्या उद्घाटन समारंभाचे अध्यक्ष समीरभाऊ देशमुख (अध्यक्ष, यशवंत ग्रामीण शिक्षण संस्था, वर्धा) होते, तर उद्घाटक म्हणून डॉ. अलका देशमुख (अध्यक्ष, विदर्भ राज्यशास्त्र प्राध्यापक परिषद, नागपूर) यांनी भूमिका बजावली. बीजभाषक डॉ. रिता धांडेकर (प्राध्यापक व विभाग प्रमुख, सेवादल महिला महाविद्यालय, नागपूर) होत्या. तसेच मा. विनायकराव देशमुख यांचीही या चर्चासत्रात उपस्थिती होती.

महिला सन्मान व ग्रंथ प्रकाशन :

समारंभात दिवाणी व फौजदारी न्यायालय, सेलू आणि पोलीस स्टेशन, सेलू तसेच यशवंत महाविद्यालयातील शिक्षकेत्तर महिला कर्मचारी भगिनींचा सन्मान करण्यात आला. त्यांना मान्यवरांच्या हस्ते सन्मानचिन्ह व सन्मानपत्र प्रदान करण्यात आले.महिला सक्षमीकरणावर प्राप्त झालेल्या एकूण १५२ शोधनिबंधांचे संकलन करून चार संपादित ग्रंथांचे प्रकाशन करण्यात आले. हे ग्रंथ अथर्व प्रकाशन, जळगाव यांनी प्रकाशित केले आहेत.
शोधनिबंध सत्र आणि समारोपीय कार्यक्रम :
              शोधनिबंध वाचन सत्राच्या अध्यक्षस्थानी डॉ. आरती भट (मास कम्युनिकेशन विभाग, श्री गुरु राम राय विद्यापीठ, देहरादून) ऑनलाइन माध्यमातून उपस्थित होत्या. प्रमुख मार्गदर्शक म्हणून डॉ. कपिला म्हैसने (इंग्रजी विभाग, श्री शिवाजी कला, वाणिज्य आणि विज्ञान महाविद्यालय, अकोला) यांनी योगदान दिले.
             समारोपीय कार्यक्रमाच्या अध्यक्षस्थानी कार्यकारी प्राचार्य डॉ. संदीप काळे होते, तर प्रमुख अतिथी म्हणून डॉ. स्मिता घाटोळे (प्राचार्य, गांधीग्राम महाविद्यालय, वर्धा) यांनी मार्गदर्शन केले.  प्रास्ताविक : डॉ. संदीप काळे,सूत्रसंचालन : डॉ. सीमा देशमुख (संयोजक) व प्रा. जयश्री देशमुख, आभार प्रदर्शन : प्रा. अर्चना बारंगे व प्रा. संगीता खोडे ,या चर्चासत्रात अनेक संशोधक ऑनलाइन सहभागी झाले, तसेच महाविद्यालयातील विद्यार्थी, शिक्षक व शिक्षकेत्तर कर्मचारी मोठ्या संख्येने उपस्थित होते.

β⇔ दिव्य भारत बी एस एम न्यूज : मुख्य संपादक : डॉ . भागवत महाले : मो. 918208180510 

(‘दिव्य भारत बीएसएम न्यूज’ची बातमी शेअर व लाईक करा आणि सबस्क्राईब करा, बेल आयकॉन बटणवर प्रेस करा. ताज्या बातम्या व घडामोडी नियमित बघत राहा. “दिव्य भारत बीएसएम न्यूज” )