🔊 Listen to this

कळवण येथील अँक्सिस बँकेतील कर्मचाऱ्याकडून १५ लाखांची फसवणूक,आरोपी तुषार गोसावी यास अटक

β⇔ दिव्य भारत बीएसएम न्यूज वृत्तसेवा : नाशिक : शनिवार  : दि. 1मार्च  2025

🅱️β⇔वणी (नाशिक ): दि. 1 (दिव्य भारत बीएसएम न्यूज : प्रतिनिधी – सुरेश सुराशे):- कळवण तालुक्यातील देसराने येथील विधवा महिला ललिता सोमनाथ मोरे यांच्या फिर्यादीवरून अँक्सिस बँकेतील तत्कालीन कर्मचारी तुषार गोसावी याने १५ लाखांची फसवणूक केल्याप्रकरणी कळवण पोलीस ठाण्यात गुन्हा दाखल करण्यात आला असून आरोपीस अटक करण्यात आली आहे.
              याबाबत सविस्तर वृत्त असे कि, कळवण तालुक्यातील देसराने येथील राहणार ललिता सोमनाथ मोरे, वय. ३५ वर्ष यांचे पती सोमनाथ विठ्ठल मोरे हे महाराष्ट्र राज्य वीज वितरण कंपनीत नोकरीस होते. त्यांचे फेब्रुवारी २०२१ मध्ये निधन झाले. त्यांच्या निधनानंतर MSEB कडुन सदर महिलेस १५ लाख रुपये मिळाले होते. ते पैसे बँक ऑफ महाराष्ट्र मध्ये ठेवलेले होते. काही दिवसांनी अँक्सिस बँकेचे कर्मचारी तुषार गोसावी व गणेश खैरनार हे दोघे ह्या महिलेची माहीती काढुन घरी येवु लागले. घरी आल्यावर तुषार गोसावी याने महिलेला त्यांच्याकडे आलेल्या पैश्यांचे व्यवस्थित नियोजन करुन देतो असे सांगून आमच्या अँक्सिस बँकेत तुमचे खाते ओपन करुन सदर खात्यामध्ये सर्व पैसे वर्ग करुण देतो असे त्यांनी सांगितले. ललिता मोरेला व्यवहाराचे जास्त ज्ञान नसल्याने तुषार गोसावी या अँक्सिस बँक कर्मचाऱ्याच्या बोलण्यावर विश्वास ठेवुन त्याला जे पाहीजे ते कागदपत्रे उपलब्ध करुन दिले. त्यानंतर त्याने ह्या महिलेस सांगीतले की, आपण काही पैसे मुलींच्या भविष्यासाठी अँक्सिस बँकेच्या म्युच्युअल फंडात गुंतवुन ठेवु त्यासाठी तुम्हाला मी सांगेल त्या प्रमाणे पैसे ट्रान्सफर करावे लागतील, त्या दरम्यान त्याने सदर महिलेच्या नावाच्या बँक अकाउंटचे ATM बँकेतुन परस्पर काढुन घेत वेळोवेळी त्याच्या व इतरांच्या खात्यात दहा लाख रुपये वर्ग केले. सन २०२२ मध्ये काही दिवासांनी तुषार त्याच्या आईला सोबत घेवुन ललिता मोरेंच्या घरी आला व बोलला की, एक खुप चांगली बँकेची स्कीम आली आहे ज्यात तुम्हाला एफ. डी. पेक्षा जास्त व्याजदाराने परतावा मीळेल फक्त ते आपण दुसऱ्याच्या अकाउंटवरुन करु त्यासाठी तुम्ही मला रोख स्वरुपात ५,००,०००/- रु दया. माझ्या आईने पण त्यात पैसे गुंतवले आहेत तुम्ही त्यांना विचारुन बघा. आई सोबत आल्याने व तो बँकेचा कर्मचारी असल्याने ललिताने त्याच्यावर विश्वास ठेवुन परत एकदा रोख स्वरुपात ५,००,०००/- रु दिले.
                     त्यानंतर काही दिवसांनी ललिता मोरे पैसे काढण्यासाठी अँक्सिस बँकेत गेली असता बँकेतील कर्मचाऱ्यांनी सांगितले की, तुमच्या अँक्सिस बँकेच्या अकाउंटवर कोणतीही रक्कम शिल्लक राहीलेली नाही. हे ऐकुन ललिताला धक्का बसला. यावेळी बँकेचे मॅनेजर अतुल गिते यांना भेटुन माझ्या खात्या वरील पंधरा लाख रुपये कुठे गेले असे विचारणा केली असता त्यांनी तिला बँकेचे स्टेटमेंट काढुन दाखवले तर बँकेच्या स्टेटमेंट मध्ये ललिताच्या खात्यावरून तुषार गोसावी, भगवती ट्रेडर्स, महेश कुवर व इतर लोकांच्या खात्यांवर परस्पर पैसे ट्रान्सफर झाल्याचे त्यांनी सांगितले. त्याबाबत महेश कुवर व इतर लोकांना तुमच्या अकाउंटवर पैसे कसे आले याबाबत विचारणा केली असता त्यांनी सदर पैसे तुषार गोसावी याने ट्रान्सफर केले व ते पैसे आम्ही लगेच तुषार गोसावीला दिले असल्याचे सांगीतले. तुषार गोसावी या इसमाने ललिता मोरेची बैंक कर्मचारी म्हणुन ATM तसेच मोबाईल बँकींगची माहीती बँकेतुन घेवुन जुलै २०२१ ते मार्च २०२४ च्या दरम्यान एकुण पंधरा लाखांची फसवणुक झाली असल्याचे ललितास समजले. या अनुषंगाने ललिता मोरे हिच्या फिर्यादीवरून अँक्सिस बँकेचा कर्मचारी तुषार गोसावी याच्या विरोधात कळवण पोलीस ठाण्यात भारतीय दंड संहिता अन्वये कलम ४०९ व ४२० प्रमाणे गुन्हा दाखल करण्यात आला असून आरोपीस अटक करण्यात आली आहे. पुढील तपास सहाय्यक पोलीस निरीक्षक जगदीश बोरसे हे करीत आहेत.

β⇔ दिव्य भारत बी एस एम न्यूज : मुख्य संपादक : डॉ . भागवत महाले : मो. 918208180510 

(‘दिव्य भारत बीएसएम न्यूज’ची बातमी शेअर व लाईक करा आणि सबस्क्राईब करा, बेल आयकॉन बटणवर प्रेस करा. ताज्या बातम्या व घडामोडी नियमित बघत राहा. “दिव्य भारत बीएसएम न्यूज” )