🅱️: नाशिक (शहर ): :⇔नाशिकमध्ये AI लीला आयोजित ‘symbAIosis’ प्रदर्शनाने तंत्रज्ञान जागरूकता वाढवली-(प्रतिनिधी-अश्विनी भालेराव)

🔊 Listen to this

नाशिकमध्ये AI लीला आयोजित ‘symbAIosis’ प्रदर्शनाने तंत्रज्ञान जागरूकता वाढवली

β⇔ दिव्य भारत बीएसएम न्यूज वृत्तसेवा : नाशिक : रविवार  : दि.09 मार्च  2025

🅱️β⇔नाशिक (शहर ): दि. 09 (दिव्य भारत बीएसएम न्यूज : प्रतिनिधी –  अश्विनी भालेराव ):-  नाशिकमध्ये AI लीला यांच्या वतीने आणि ओम इंटेलिजन्सच्या सहकार्याने आयोजित ‘symbAIosis’ हे नाविन्यपूर्ण Generative AI प्रदर्शन २७ फेब्रुवारी ते १ मार्च २०२५ दरम्यान एचपीटी आर्ट्स आणि आरवायके सायन्स कॉलेजमध्ये यशस्वीपणे पार पडले. हे प्रदर्शन सर्वांसाठी विनामूल्य खुले होते आणि यात कृत्रिम बुद्धिमत्तेच्या (AI) संकल्पना सोप्या उदाहरणांसह समजावून सांगण्यात आल्या.
           राष्ट्रीय विज्ञान दिनानिमित्त विशेष व्याख्यान २८ फेब्रुवारी रोजी राष्ट्रीय विज्ञान दिनाचे औचित्य साधून मानस गाजरे (संस्थापक व CTO, ओम इंटेलिजन्स) यांनी ‘Demystifying AI’ या विषयावर विशेष व्याख्यान दिले. या सत्रात AI चे इतिहास, त्याचे दैनंदिन जीवनातील उपयोग आणि नैतिकता यावर चर्चा करण्यात आली. या वेळी महाविद्यालयाचे प्राचार्य डॉ. व्हि. एन. सुर्यवंशी, IQAC डायरेक्टर डॉ. प्रणव रत्नपारखी, उपप्राचार्य डॉ. पी. एस. देशपांडे आणि इतर प्राध्यापक उपस्थित होते.
              AI निर्मित कलाकृती आणि प्रात्यक्षिके  या प्रदर्शनात AI द्वारे तयार केलेली विविध चित्रे, संगीत, ऑडिओ आणि व्हिडिओ लोकांसमोर सादर करण्यात आले. इतर प्रदर्शनांपेक्षा वेगळे, symbAIosis मध्ये प्रत्यक्ष अनुभवाला महत्त्व देण्यात आले. सहभागी लोकांना AI टूल्स वापरून स्वतःचे फोटो आणि ऑडिओ बनवण्याची संधी मिळाली, ज्यामुळे AI च्या क्षमतेची प्रत्यक्ष अनुभूती त्यांना घेता आली.
AI बद्दल जनजागृती आणि तंत्रज्ञान संवाद: AI लीला आणि ओम इंटेलिजन्स यांच्या प्रयत्नांमुळे symbAIosis प्रदर्शनाने कृत्रिम बुद्धिमत्ता आणि कला यांच्यातील संवाद वाढवण्याचा प्रयत्न केला. आजच्या डिजिटल युगात AI उद्योग आणि दैनंदिन जीवनामध्ये मोठे बदल घडवत आहे. अशा प्रदर्शनांमुळे AI बद्दलची जनजागृती वाढून नवीन तंत्रज्ञानाची समज निर्माण होण्यास मदत होते.

β⇔ दिव्य भारत बी एस एम न्यूज : मुख्य संपादक : डॉ . भागवत महाले : मो. 918208180510 

(‘दिव्य भारत बीएसएम न्यूज’ची बातमी शेअर व लाईक करा आणि सबस्क्राईब करा, बेल आयकॉन बटणवर प्रेस करा. ताज्या बातम्या व घडामोडी नियमित बघत राहा. “दिव्य भारत बीएसएम न्यूज” )