🔊 Listen to this

 संदीप फाऊंडेशन फार्मसी महाविद्यालयात ” जी-पॅट “ वर मार्गदर्शन…

β⇒दिव्य भारत  बी. एस.एम न्यूज : नाशिक: मंगळवार , दि २९ ऑगस्ट २०२३ 

β⇒ नाशिक : ( महिरावनी),  ता . २९  ( प्रतिनिधी :  डॉ.  कमलेश दंडगव्हाळ )   येथील संदीप फाऊंडेशन संचालित संदीप इन्स्टिटयूट ऑफ फार्मास्युटिकल सायन्सेस या महाविद्यालयात ”  जी पॅट ” या स्पर्धा परीक्षेवर विद्यार्थ्यांना मार्गदर्शन करण्यात आले . सदर व्याखानाकरिता ”  जी-पॅट-२०२३ ” परीक्षेमध्ये भारतातून पहिला क्रमांक मिळवणारा  विद्यार्थी महेंद्र महाजन यास निमंत्रित करण्यात आले होते. त्यांनी विद्यार्थाना परीक्षेची तयारी कशी करावी. वेळेचे नियोजन ,संदर्भ पुस्तके व अभ्यासाविषयी  अनेक  बारकावे  स्पष्ट केले.  विद्यार्थ्यांशी संवाद साधत अनेक शंकांचे निरसन केले. 

                  प्राचार्य डॉ. बोरसे सरांनी महेंद्र महाजन चे स्वागत करून, त्याने अतिशय खडतर परिस्थितीत जिद्द आणि चिकाटी च्या जोरावर यश संपादन केले आहे असे नमूद केले. महाविद्यालयाने जी-पॅट करिता या मार्गदर्शन पर समुपदेशन विभागाची स्थापना केली आहे. त्याद्वारे विद्यार्थ्यांकडून परीक्षेची तयारी करून घेतली जाते. महाविद्यालयातील प्राध्यापकांनी विशेष मार्गदर्शन व परिक्षयेच्या अनुषंगाने अभ्यासक्रम शिकवला जातो , सराव प्रश्नपत्रिका संच तयार करून विद्यार्थ्यांकडून सोडवून घेतला जातो. महाविद्यालयाचे जी-पॅट विभाग प्रमुख डॉ. शेवाळकर सर आणि प्रा. येलमामे सर यांनी कार्यक्रमाचे यशस्वी नियोजन करून आभार व्यक्त केले. 

दिव्य भारत  बी एस न्यूज : मुख्य संपादक : डॉ . भागवत महाले,  मो . ८२०८१८०५१०