राज्य सरकारने ईपीएस-९५ पेंशनधारकांच्या उत्थानासाठी “लाडके माय-बाप योजना” सुरू करावी
β⇔ दिव्य भारत बीएसएम न्यूज वृत्तसेवा : नाशिक : रविवार : दि. 28 जून 2024
β⇔,नागपूर, दि.28 (प्रतिनिधी :रमेश लांजेवार ):- आज राज्यात १५ ते २० लाख ईपीएस-९५ पेंशनधारक आहेत. केंद्र सरकारने जाहीर केलेल्या अर्थसंकल्पीय अधिवेशनात ईपीएस-९५ पेंशनधारकांना न्याय मिळेल अशी अपेक्षा होती, परंतु निराशा हाती आली. त्यामुळे आता राज्य सरकारने एखाद्या योजनेअंतर्गत यावर तोडगा काढून ईपीएस पेंशनधारकांना सहकार्य करणे गरजेचे आहे. ईपीएस-९५ पेंशनधारकांना ८००, १०००, ३००० रूपये अशा तुटपुंजी पेंशन मिळत आहे. अशा परिस्थितीत महाराष्ट्र सरकारने ईपीएस-९५ पेंशनधारकांच्या मदतीसाठी पुढाकार घेणे आवश्यक आहे. कारण राज्यातील जनतेच्या कल्याणासाठी महाराष्ट्र सरकारने अनेक महत्वपूर्ण योजना अंमलात आणल्या आहेत, ज्यामुळे या पेंशनधारकांना दिलासा मिळेल.
महाराष्ट्र सरकारने नुकतीच लाडकी बहिण योजना अंमलात आणली आणि योजनेला मोठा प्रतिसाद मिळाला. तसेच, लाडका भाऊ योजना अंमलात आणून युवकांनाही लाभ मिळवून दिला आहे. याच धर्तीवर, ईपीएस-९५ पेंशनधारकांसाठी “लाडके माय-बाप योजना” सुरू करावी, ज्यामुळे वृद्ध पेंशनधारकांना आर्थिक मदत मिळेल. ईपीएस पेंशनधारकांची अपेक्षा आहे की, राज्य सरकारने त्यांच्या पेंशनमध्ये भर टाकून कमीत कमी ५००० रूपये करावी. वाढती महागाई, इलेक्ट्रिक बिल, घर टॅक्स, औषधोपचार या तुटपुंज्या पेंशनमध्ये पेलवणे कठीण झाले आहे. त्यामुळे सरकारचे प्रथम कर्तव्य आहे की, या वृद्धांसाठी मदतीचा हात सामोर करावा.
ईपीएस-९५ पेंशनधारक “जगुही शकत नाही आणि मरूही शकत नाही” अशा कठीण परिस्थितीत आहेत. त्यामुळे राज्य सरकारने या पेंशनधारकांसाठी “लाडके माय-बाप योजना” अंमलात आणून सहकार्य करणे अपेक्षित आहे.
लेखक.
रमेश कृष्णराव लांजेवार
(माजी विद्यापीठ प्रतिनिधी,नागपूर).
β⇔ दिव्य भारत बीएसएम न्यूज : मुख्य संपादक : डॉ. भागवत महाले : मो. 8208180510
(‘दिव्य भारत बीएसएम न्यूज‘ची बातमी शेअर व लाईक करा आणि सबस्क्राईब करा, बेल आयकॉन बटणवर प्रेस करा. ताज्या बातम्या व घडामोडी नियमित बघत राहा. “दिव्य भारत बीएसएम न्यूज”)
