बिटको महाविद्यालयाचे विद्यार्थी ‘मल्लखांब’ आणि ‘जलतरण’ स्पर्धेत यशस्वी
β⇔ दिव्य भारत बीएसएम न्यूज वृत्तसेवा : नाशिक : सोमवार : दि, 23 सप्टेंबर 2024
β⇔नाशिकरोड,दि.23 (प्रतिनिधी : संजय परमसागर):-गोखले एज्युकेशन सोसायटीच्या नाशिकरोड येथील बिटको महाविद्यालयातील कनिष्ठ महाविद्यालयाच्या इंद्रनील जाधव याने यशवंत व्यायाम शाळेत झालेल्या शालेय जिल्हास्तरीय ‘मल्लखांब’ स्पर्धेत प्रथम क्रमांक मिळवून यश संपादन केले आहे. त्याच्या या उत्कृष्ट कामगिरीमुळे त्याची विभागीय स्पर्धेसाठी निवड झाली आहे. तसेच,पार्थ सरोदे याने जिजामाता इंटरनॅशनल तरणतलाव, नाशिकरोड येथे झालेल्या ‘जलतरण ‘स्पर्धेत ५० मीटर फ्री स्टाईल, ५० मीटर ब्रेस्ट स्ट्रोक, आणि १०० मीटर ब्रेस्ट स्ट्रोकमध्ये उल्लेखनीय यश प्राप्त केले आहे. कु. मनस्वी खर्डे हिने २०० मीटर ब्रेस्ट स्ट्रोक, २०० मीटर मेडली आणि १०० मीटर बटरफ्लाय स्पर्धेत उत्तम कामगिरी करत विजय मिळवला.
या सर्व विद्यार्थ्यांना क्रीडा शिक्षक महेश थेटे यांचे योग्य मार्गदर्शन लाभले. विद्यार्थ्यांच्या या यशाबद्दल महाविद्यालयाच्या प्राचार्या डॉ. मंजुषा कुलकर्णी, कनिष्ठ महाविद्यालयाच्या उपप्राचार्या सुनिता नेमाडे, पर्यवेक्षिका प्रणाली पाथरे आणि शिक्षक, शिक्षकेतर कर्मचाऱ्यांनी त्यांचे मनःपूर्वक अभिनंदन केले आहे.
β⇔ दिव्य भारत बीएसएम न्यूज : मुख्य संपादक : डॉ. भागवत महाले : मो. 8208180510
(‘दिव्य भारत बीएसएम न्यूज’ची बातमी शेअर व लाईक करा आणि सबस्क्राईब करा, बेल आयकॉन बटणवर प्रेस करा.
ताज्या बातम्या व घडामोडी नियमित बघत राहा. “दिव्य भारत बीएसएम न्यूज”)
