🅱️:नाशिक (शहर ):⇔सामाजिक क्षेत्रात महत्त्वपूर्ण योगदान ! ऋचिता ठाकूर यांना तीन प्रतिष्ठित पुरस्कारांनी सन्मान- (प्रतिनिधी-अश्विनी भालेराव)

सामाजिक क्षेत्रात महत्त्वपूर्ण योगदान ! ऋचिता ठाकूर यांना तीन प्रतिष्ठित पुरस्कारांनी सन्मान

β⇔ दिव्य भारत बीएसएम न्यूज वृत्तसेवा : नाशिक : शनिवार  : दि.10 मार्च  2025

🅱️β⇔नाशिक (शहर ): दि. 10 ( प्रतिनिधी –  अश्विनी भालेराव ): सामाजिक क्षेत्रात अत्यंत महत्त्वपूर्ण कार्य करणाऱ्या ऋचिता ज्योती विश्वास ठाकूर यांना जागतिक महिला दिनानिमित्त तीन प्रतिष्ठित पुरस्कारांनी गौरविण्यात आले आहे. रेडिओ विश्वास 90.8 कम्युनिटी रेडिओ आणि विश्वास ज्ञान प्रबोधिनी फाऊंडेशनच्या माध्यमातून त्यांच्या उल्लेखनीय कार्याची दखल घेत त्यांना हा सन्मान प्रदान करण्यात आला. पुरस्कार आणि मान्यवरांचे हस्ते गौरव: ‘एक्सलन्स वुमेन्स’ वॉकथॉन पुरस्कार आदिवासी विकास विभागाच्या आयुक्त मा. लीना बनसोड यांच्या हस्ते प्रदान करण्यात आला.
              लोकमत सखी मंचतर्फे ‘वुमन्स इन प्रोग्रेस’ सन्मान आणि जिल्हा परिषद नाशिकच्या महिला व बालविकास विभागातर्फे ‘नारी शक्ती सन्मान’ जिल्हा परिषदेच्या मुख्य कार्यकारी अधिकारी आशिमा मित्तल यांच्या हस्ते देण्यात आला. सामाजिक परिवर्तनासाठी समर्पित कार्य ऋचिता ठाकूर या महिला सशक्तीकरण, शिक्षण, आरोग्य, हिंसाचारविरोधी अभियान, आणि ग्रामीण भागातील जनजागृती कार्यक्रमांमध्ये सक्रिय आहेत. रेडिओ विश्वास 90.8 आणि विश्वास ज्ञान प्रबोधिनी फाऊंडेशनच्या माध्यमातून शहर आणि ग्रामीण भागात मोठ्या प्रमाणात प्रबोधनात्मक आणि समुपदेशन कार्यक्रम राबविले जात आहेत. महिलांचे आरोग्य, शिक्षण, पाणी बचत, आणि झोपडपट्टीतील मुलांसाठी शैक्षणिक अभियान हाती घेऊन त्या प्रभावी कार्य करत आहेत.                     शैक्षणिक आणि व्यावसायिक पार्श्वभूमी: ऋचिता ठाकूर यांनी नॉर्थईस्टर्न युनिव्हर्सिटी, बोस्टन (अमेरिका) येथून एमएससी ह्युमन रिसोर्स मॅनेजमेंट आणि ऑर्गनायझेशनल अ‍ॅनालिसिस या विषयातील पदवी प्राप्त केली आहे. शासनाच्या विविध योजनांद्वारे त्या खेड्यापाड्यांत जाऊन लोकांचे प्रश्न जाणून घेत त्यांच्या सोडवणुकीसाठी कार्यरत आहेत.
सहभागी सामाजिक प्रकल्प : त्यांनी विविध सामाजिक योजनांत मोलाचे योगदान दिले आहे, जसे की –
🔹 अटल वयो अभ्युदय योजना (सामाजिक न्याय आणि सक्षमीकरण मंत्रालय, भारत सरकार)
🔹 सायन्स ऑन व्हिल्स (विज्ञान आणि तंत्रज्ञान विभाग, भारत सरकार)
🔹 कारागृहातील महिलांच्या मुलांसाठी बालवाडी प्रकल्प (आंगण संस्था, मुंबई)
🔹 ‘हिंसा को नो’ – महिलांवरील हिंसाचारविरोधी अभियान (स्मार्ट संस्था, दिल्ली आणि अझीम प्रेमजी फाऊंडेशन)
 पूर्वी मिळालेला सन्मान :सन 2023 मध्ये पुष्प रत्न बहुद्देशीय सेवाभावी संस्था, नाशिक तर्फे राज्यस्तरीय ‘हिरकणी’ पुरस्कार देऊन त्यांना गौरविण्यात आले होते.
           समाजसेवेचा ध्यास-“समाजातील आर्थिक दुर्बल घटकांसाठी काम करणे हे माझे ध्येय आहे. त्यांच्या समस्या जाणून घेऊन त्यांना सक्षम करण्यासाठी आणि आत्मविश्वास निर्माण करण्यासाठी कार्य करणे हा माझा ध्यास आहे,” असे ऋचिता ठाकूर यांनी या गौरवप्रसंगी सांगितले.

β⇔ दिव्य भारत बी एस एम न्यूज : मुख्य संपादक : डॉ . भागवत महाले : मो. 918208180510 

(‘दिव्य भारत बीएसएम न्यूज’ची बातमी शेअर व लाईक करा आणि सबस्क्राईब करा, बेल आयकॉन बटणवर प्रेस करा. ताज्या बातम्या व घडामोडी नियमित बघत राहा. “दिव्य भारत बीएसएम न्यूज” )