🔊 Listen to this

येडशीत दररोज विजपुरवठा खंडित : व्यावसायिकांचे नुकसान, नागरिकांत संताप; महावितरणच्या अधिकाऱ्यांकडून दुर्लक्ष

β⇔दिव्य भारत बीएसएम न्यूज वृत्तसेवा : नाशिक : सोमवार : दि.16 एप्रिल  2025

🅱️⇔येडशी(धाराशिव),,दि.16 (प्रतिनिधी– सुभान शेख ):-धाराशिव तालुक्यातील येडशी येथे महावितरणकडून मागील काही दिवसांपासून वारंवार वीजपुरवठा खंडित केला जात आहे. ग्रामस्थांनी दिलेल्या माहितीनुसार, ही समस्या इतकी गंभीर झाली आहे की दररोज कधीही – सकाळी, दुपारी, संध्याकाळी किंवा रात्री – वीज गायब होत आहे, त्यामुळे स्थानिक नागरिक, व्यापारी आणि विद्यार्थी यांचे मोठे नुकसान होत आहे.
            ऑनलाइन व्यवसाय करणाऱ्या दुकानांचे आर्थिक नुकसान तर होतच आहे, पण पाचवी ते नववीच्या विद्यार्थ्यांच्या सुरू असलेल्या परीक्षा देखील या विजेच्या खोळंब्यामुळे अडचणीत येत आहेत. तापमानात वाढ झाल्याने वयोवृद्ध नागरिक आणि महिलांना या विजेच्या खोळंब्याचा आरोग्यावर प्रतिकूल परिणाम होत आहे. येडशीतील एका  यु ट्युब चॅनलचे – येडशी प्रतिनिधीने माहिती घेण्यासाठी महावितरण विद्युत वीज कार्यालयात फोन केले असता  कार्यालयातील ऑपरेटर कडुन उडवा – उडवीची उत्तरे देत आहे. तसेच येडशी महावितरण विद्युत वीजचे सहाय्यक अभियंता – चव्हाण यांना वीजपुरवठा खंडित होत असल्याने माहिती देण्यासाठी फोन केले असता, फोनद्वारे त्यांना माहिती देण्यात आली की , धाराशिवहुन मेन येणारी थ्री फेज 33 केव्ही मेन सप्लाय धाराशिवचे महावितरण वरिष्ठ अधिकारी यांना पत्रा द्वारे नवीन केबल मागणी  करावी आणि थ्री फेज 33 केव्ही वीज पुरवठा  सुरळीत चालु ठेवा असे सांगण्यात आले. परंतु , सहाय्यक अभियंता नुतन केबल चे काम करण्यासाठी हे कोणतेही पाऊल उचलत नाहीत, जर काम होत नसेल तर याचे उपयोग काय ? असे वेगवेगळे प्रश्न निर्माण होत आहे. जर अशा कामाला धाराशिवचे महावितरण वरिष्ठ अधिकारी लक्ष देत नसेल तर , या अधिकाऱ्यांच्या तोंडावर बोट कुणाचे ? असे प्रश्न निर्माण  होत आहे.
            यामुळे ग्रामस्थांत तीव्र संताप निर्माण झाला असून, महावितरणच्या वरिष्ठ अधिकाऱ्यांच्या दुर्लक्षामुळे ही परिस्थिती निर्माण होत असल्याचा आरोप करण्यात येत आहे. शिवाय, कोणत्याही अधिकृत आदेशाविना दररोज वीजपुरवठा खंडित केला जात असल्यामुळे, नागरिक जबरदस्तीच्या वसुलीविरोधातही आवाज उठवत आहेत. ग्रामस्थांनी धाराशिव महावितरणचे वरिष्ठ अधिकारी, सहाय्यक अभियंता तसेच तेरचे सहाय्यक उपअभियंता यांच्यावर तातडीने कारवाई करून, येडशीतील वीज पुरवठा नियमित करण्याची जोरदार मागणी केली आहे.

β⇔ दिव्य भारत बीएसएम न्यूज : मुख्य संपादक : डॉ. भागवत महाले : मो. 918208180510 

(‘दिव्य भारत बीएसएम न्यूज’ची बातमी शेअर व लाईक करा आणि सबस्क्राईब करा, बेल आयकॉन बटणवर प्रेस करा. ताज्या बातम्या व घडामोडी नियमित बघत राहा. “दिव्य भारत बीएसएम न्यूज” )