🔊 Listen to this

प्रा. डॉ. सोमनाथ वाघमारे यांना ‘झुलॉजिकल सोसायटी ऑफ इंडिया’चे  “सीनियर सायंटिस्ट गोल्ड मेडल“पुरस्कार प्रदान

β⇔दिव्य भारत बीएसएम न्यूज वृत्तसेवा : नाशिक : शुक्रवार  : दि. 2 मे  2025

🅱️⇔पुणे, दि.2 (प्रतिनिधी–डॉ. भागवत महाले):- येथील नौरोसजी वाडिया कॉलेजचे संशोधक प्राध्यापक डॉ. सोमनाथ वाघमारे यांना प्राणीशास्त्र विषयातील प्रतिष्ठित अशा ‘सीनियर सायंटिस्ट गोल्ड मेडल’ पुरस्काराने सन्मानित करण्यात आले आहे. लखनऊ (उत्तर प्रदेश) विद्यापीठात आयोजित 36व्या अखिल भारतीय प्राणीशास्त्र संमेलनात (All India Congress of Zoology) झूलॉजिकल सोसायटी ऑफ इंडिया (ZSI) यांच्याकडून हा पुरस्कार प्रदान करण्यात आला.
        डॉ. वाघमारे यांनी प्राणीशास्त्र विषयातील संशोधन क्षेत्रात केलेल्या उत्कृष्ट योगदानासाठी त्यांना हा सन्मान मिळाला आहे. त्यांच्या संशोधनाने प्राणी व वनस्पती यांच्या मधील सूत्रकृमी जैवविविधता संवर्धन तसेच सूत्रकृमींच्या प्रथिनांचा जैव सूचना शास्त्राचा वापर करून अभ्यास या क्षेत्रात महत्त्वपूर्ण योगदान दिले आहे. या पुरस्काराच्या माध्यमातून त्यांच्या कार्याची राष्ट्रीय स्तरावर दखल घेण्यात आली आहे.
           पुरस्कार स्वीकारताना डॉ. वाघमारे म्हणाले, “हा सन्मान माझ्यासाठी अत्यंत अभिमानाचा क्षण आहे. माझ्या संशोधन आणि शिक्षण क्षेत्रातील योगदानाला मिळालेली ही मान्यता मला आणखी मेहनत करण्यास प्रेरित करते.” त्यांनी आपल्या यशाचे श्रेय सहकारी, विद्यार्थी आणि नौरोसजी वाडिया कॉलेजचे प्राचार्य डॉ. वसंत चाबुकस्वार तसेच संस्थेचे विश्वस्त प्रा.सचिन सानप, प्रा. डॉ अशोक चांडक यांच्या पाठबळाला दिले. या पुरस्कारामुळे महाराष्ट्रातील वैज्ञानिक समुदायात आनंदाचे वातावरण आहे. डॉ. वाघमारे यांच्या या यशामुळे तरुण संशोधकांना प्रेरणा मिळेल, अशी अपेक्षा व्यक्त केली जात आहे.

β⇔ दिव्य भारत बीएसएम न्यूज : मुख्य संपादक : डॉ. भागवत महाले : मो. 918208180510 

(‘दिव्य भारत बीएसएम न्यूज’ची बातमी शेअर व लाईक करा आणि सबस्क्राईब करा, बेल आयकॉन बटणवर प्रेस करा. ताज्या बातम्या व घडामोडी नियमित बघत राहा. “दिव्य भारत बीएसएम न्यूज” )