लातूर आगाराच्या एसटी चालक-वाहकांचा वयोवृद्ध प्रवाशांशी गैरवर्तन: ग्रामस्थांचा तीव्र संताप

🅱️β : येडशी (धाराशिव  ):⇔लातूर आगाराच्या एसटी चालक-वाहकांचा वयोवृद्ध प्रवाशांशी गैरवर्तन:ग्रामस्थांचा तीव्र संताप-(प्रतिनिधी-सुभान शेख)

    β⇔ दिव्य भारत बीएसएम न्यूज वृत्तसेवा : नाशिक : शुक्रवार  : दि.07 मार्च  2025

🅱️β⇔येडशी (धाराशिव  ),दि. 07 ( प्रतिनिधी –  सुभान शेख  ):- लातूर आगाराची बार्शीमार्गे वल्लभनगरला जाणारी एसटी बस (MH-20 BL-2573) दिनांक 7 मार्च 2025 रोजी सकाळी 8:30 वाजता येडशी बसस्थानकात पोहोचली. यावेळी प्रवासासाठी थांबलेल्या एका वयोवृद्ध दाम्पत्याला बसमध्ये त्यांचे धान्य वाहून नेण्यास चालक-वाहकांनी विरोध केला. त्यांनी प्रवाशांचे 200 क्विंटल धान्याचे कट्टे एसटीमधून बाहेर फेकल्याने संतप्त ग्रामस्थांनी तीव्र प्रतिक्रिया व्यक्त केली.
              वयोवृद्ध महिलेने तत्काळ वाहतूक नियंत्रण कक्षात तक्रार दाखल केली. मात्र, लातूर आगाराच्या चालक-वाहकांनी ऐकण्यास नकार दिल्याने येडशीचे माजी सरपंच गोपाळ नागटिळक यांनी हस्तक्षेप करून यावर संतप्त प्रतिक्रिया व्यक्त केली. त्यांनी विचारणा केली की, “एसटीच्या डिग्गीत सामान ठेवण्यासाठी चावी का नव्हती?” या प्रकारानंतर धाराशिव आगाराच्या वरिष्ठ अधिकाऱ्यांना माहिती देण्यात आली. त्यांच्या निर्देशानुसार, वयोवृद्ध दाम्पत्याला सन्मानपूर्वक प्रवासाची व्यवस्था करून दिली. यावर ग्रामस्थांनी समाधान व्यक्त केले असले तरी एसटी महामंडळाच्या कार्यपद्धतीवर गंभीर प्रश्न उपस्थित झाले आहेत.
          ग्रामस्थांनी महाराष्ट्र राज्याचे परिवहन मंत्री प्रताप सरनाईक यांच्याकडे संबंधित चालक-वाहकांवर चौकशी करून योग्य कारवाई करण्याची मागणी केली आहे. या घटनेची प्रशासन तातडीने दखल घेईल का, याकडे सर्वांचे लक्ष लागले आहे.