बिटको महाविद्यालयात विज्ञान मंडळाचे उद्घाटन संपन्न
β⇒ दिव्य भारत बी एस एम न्यूज वृत्तसेवा : नाशिक : मंगळवार : दि 10 ऑक्टोबर 2023
β⇒नाशिकरोड , ता 10 ( प्रतिनिधी : संजय परमसागर ) :- “ प्लास्टिक हे जसे आवश्यक आहे, तसे त्याचे मिश्रण ही एक समस्या आहे . प्लास्टिकचा गैरवापर टाळा पाहिजे हे सांगताना पुढे म्हणाल्या की, जंक फूड व टेक्स्टाईल इंडस्ट्री यामुळे पर्यावरणास समस्या निर्माण होऊन मोठी हानी होत आहे . पृथ्वी ही माता आहे, तिला जपले पाहिजे . बांबूपासून हजारो राख्या व नॅचरल अगरबत्ती बनवता येतात, शाळू मातीचा पुनर्वापर व्हायला हवा , प्लास्टिक हे कच्चे तेल यासारख्या नैसर्गिक सेंद्रिय पदार्थांपासून बनवले जाते . हरीत सामाजिक उद्योजकता ,पर्यावरणीय समस्यां व उपाय विकसित करता येतात. त्यायोगे निधी देऊन उपायांवर अंमलबजावणी केली जाते व ते पर्यावरणीय दृष्टीने अत्यावश्यक आहे ,” असे प्रतिपादन श्रीलता मेनन यांनी केले .
गोखले एज्युकेशन सोसायटीच्या नाशिकरोड येथील बिटको कनिष्ठ महाविद्यालयातील विज्ञान विभागातर्फे विज्ञान मंडळाचे उद्घाटन करताना प्रमुख वक्त्या म्हणून ‘ हरित सामाजिक उद्योजकता – सामाजिक संस्था आणि युवकांची भूमिका ‘ या विषयावर मार्गदर्शन करताना त्या बोलत होत्या . याप्रसंगी व्यासपीठावर प्रमुख वक्त्या श्रीलता मेनन यासह महाविद्यालयाच्या प्राचार्या डॉ. मंजुषा कुलकर्णी , कनिष्ठ महाविद्यालयाच्या उपप्राचार्या सौ. सुनिता नेमाडे , पर्यवेक्षिका प्रणाली पाथरे , श्री. मेनन , प्रा.रागिणी भवर आदी मान्यवर उपस्थित होते .
कार्यक्रमाचे प्रास्ताविक व मान्यवरांचे स्वागत सौ. सुनिता नेमाडे यांनी केले . कार्यक्रमाच्या अध्यक्षा प्राचार्या डॉ. मंजुषा कुलकर्णी यांनी आपल्या मनोगतात पर्यावरणीय प्रदूषण रोखण्यासाठी एरंडेलचे पेट्रोल बनवणे , ऑरगॅनिक शेती तसेच शेणखताचा वापर योग्य रीतीने व्हावा असे सांगितले . कार्यक्रमास आदिती तोष्णीवाल , सुरेखा वसईकर , बी.निर्मल सर , मीनल पाटील , निलेश वाणी , राहुल पाटील , निरुपमा ताई आणि सुनील देशपांडे यासह विज्ञान शाखेचे विद्यार्थी उपस्थित होते. कार्यक्रमाचे सूत्रसंचालन रागिणी भवर यांनी केले तर आभार हर्षाली खैरनार यांनी मानले .
β⇒दिव्य भारत बी एस एम न्यूज : मुख्य संपादक : डॉ भागवत महाले : मो. ८२०८१८०५१०
