यु ट्युब चॅनल ‘दिव्य भारत बीएसएम न्यूज चॅनल’ चे येडशी प्रतिनिधी सुभान शेख यांनी राष्ट्रीय राज्य महामार्ग लातूरच्या अधिकाऱ्यांशी फोनवरून संपर्क साधला होता. अधिकाऱ्यांना माहिती मिळताच, त्यांनी तात्काळ दखल घेऊन खड्डे बुजवले, पण कामाची गुणवत्ता कमी होती. लातूर-बार्शी रोडवरील खड्डे बुजवण्यासाठी शासनाने अनेक वेळा निधी उपलब्ध करून दिला आहे. तरीही, काम अपूर्ण राहिले आहे. गुत्तेदारांनी खड्डे बुजवण्याचे काम अपूर्ण ठेवले आहे आणि या अगोदर दिलेल्या निधीचे पूर्ण वापर झाले नाही. शासनाने दिलेला निधी नेमका कुठे गेला याची तपासणी होऊन, दोषी गुत्तेदारांवर कडक कारवाई करावी. येडशीतील लातूर-बार्शी रोडवरील खड्ड्यांमुळे वाहनधारकांना जीव धोक्यात घालून प्रवास करावा लागतो. पहाटेच्या वेळी पुण्याहून लातूरकडे जाणाऱ्या बसगाड्या या रस्त्यावरून जातात. खड्ड्यांमुळे अनेक अपघात झाले आहेत. सुग्रीव सोलवट खड्ड्यात पडून त्यांच्या हाताला इजा झाली आहे, शैलेश तपसे यांचे पाय निकामी झाले आहेत आणि दता तुपे यांच्या दोन्ही हातांना आणि पायांना गंभीर दुखापत झाली आहे. या घटनेला जबाबदार कोण आहे, असा प्रश्न उपस्थित होत आहे.

                राज्य शासनाने लवकरात लवकर दखल घेऊन, लातूर-बार्शी रोडवरील खड्डे बुजवण्यासाठी दिलेल्या निधीची पाहणी करून चौकशीचे आदेश काढावेत आणि दोषींवर कडक कारवाई करावी, अशी मागणी येडशीतील ग्रामस्थांनी केली आहे.