बिटको महाविद्यालयात ‘वाचन प्रेरणा दिनी ‘दोन दिवसीय ग्रंथ प्रदर्शनाचे आयोजन
β : नाशिकरोड :⇒ बिटको महाविद्यालयात ‘ वाचन प्रेरणा दिनी दोन दिवसीय ग्रंथ प्रदर्शनाचे आयोजन – (प्रतिनिधी : संजय परमसागर )
β⇒दिव्य भारत बी एस एम न्यूज वृत्तसेवा : नाशिक: सोमवार : दि. 17 ऑक्टोबर 2023
β⇒नाशिकरोड, ता.16 (प्रतिनिधी : संजय परमसागर ) :- ” प्रचंड इच्छाशक्ती व प्रबळ आत्मविश्वास असलेले संपूर्ण भारतात युवकांसाठी आदर्श दीपस्तंभ ठरावा, अशी अतुलनीय व्यक्ती म्हणजे भारताचे माजी राष्ट्रपती भारतरत्न डॉ.ए.पी. जे. अब्दुल कलाम होय . प्रत्येक व्यक्तीने विद्यार्थ्याने वाचनासाठी वेळ काढला पाहिजे . संपूर्ण जीवनात साथ देण्याचे आणि संकटाशी लढण्याचे सामर्थ्य वाचनानेच मिळत असते . वाचनासाठी आपल्या महाविद्यालयातील ग्रंथालयात भरपूर साहित्य जवळपास एक लाखाच्या वर ग्रंथसंपदा व पुस्तके उपलब्ध आहेत . त्याचा नक्की लाभ घ्या ,” असे महाविद्यालयाच्या प्राचार्या डॉ. मंजुषा कुलकर्णी यांनी केले . गोखले एज्युकेशन सोसायटीच्या नाशिकरोड येथील बिटको महाविद्यालयातील बाळाराम लाहोटी ग्रंथालयात वाचन प्रेरणा दिनानिमित्त आयोजित ग्रंथ प्रदर्शनाच्या उद्घाटन प्रसंगी त्या बोलत होत्या.यानिमित्त ग्रंथालयात दि. १६ व १७ ऑक्टोबर या दोन दिवसीय ग्रंथ प्रदर्शनाचे आयोजन करण्यात आले आहे.यावेळी मान्यवरांच्या हस्ते डॉ. ए. पी.जे. अब्दुल कलाम यांच्या प्रतिमेस पूजन करून पुष्पहार अर्पण करण्यात आला . ग्रंथपाल श्रीपाद चंद्रात्रे यांनी आपल्या प्रास्ताविक करताना,३५० वा शिवराज्याभिषेक सोहळा व स्वातंत्र्याचा अमृत महोत्सव या धर्तीवर छत्रपती शिवाजी महाराज व स्वातंत्र्यलढ्याचे पुस्तके ठेवण्यात आली आहेत तसेच इतर वाचनाची ३०० हून अधिक पुस्तके वाचनासाठी ठेवण्यात आली आहेत . विद्यार्थी व प्राध्यापक , शिक्षकांनी प्रदर्शनास भेट देऊन ठेवलेल्या ग्रंथातून आपल्या आवडीचा ग्रंथ वाचावा व वाचन संस्कृती वाढवावी असे सांगितले . याप्रसंगी डॉ. सुधाकर बोरसे व नरेश पाटील यांनी स्वलिखित १५ पुस्तके ग्रंथालयास सप्रेम भेट दिली . कार्यक्रमास उपप्राचार्य डॉ अनिलकुमार पाठारे , डॉ.आकाश ठाकूर , कनिष्ठ महाविद्यालयाच्या उपप्राचार्या सुनिता नेमाडे पर्यवेक्षिका प्रणाली पाथरे यासह विभाग प्रमुख प्राध्यापक शिक्षक शिक्षकेतर कर्मचारी व विद्यार्थी उपस्थित होते . ग्रंथ प्रदर्शनाच्या यशस्वीतेसाठी महेश टोचे , श्रीमती मेघा गोतराज , श्रीमती सुरेखा टोचे , श्रीमती चंद्रकला मते , श्रीमती शेंद्रे , दुर्गेश चौधरी , नारायण दराडे , पंकज थेटे , शितल घुगे , अनिल गोरे यांनी प्रयत्न केले .
β⇒दिव्य भारत बी एस एम न्यूज : मुख्य संपादक : डॉ भागवत महाले : मो ८२०८१८०५१०
🅱️ :नागपूर:⇔ गुढीपाडवा: संपूर्ण सृष्टीसाठी शुभ,समृद्ध, नवचैतन्य व मांगल्याचे प्रतीक-(प्रतिनिधी-रमेश लांजेवार)
5 days ago
🅱️ : सुरगाणा (नाशिक):⇔कोल्हापूर रंगभूमीवर विधिनाट्य महोत्सवात आदिवासी कला संस्कृतीचे दर्शन ! कलाप्रेमी रसिकांना आदीम संस्कृतीची भुरळ; हजारो प्रेक्षकांनी घेतला आनंद !-(प्रतिनिधी-रतन चौधरी)
1 week ago
🅱️: वणी (नाशिक):⇔वणी येथे पुणेगाव धरण्याचा डाव्या कालव्यात पडून शाळकरी आठ वर्षीय बालकांचा आकस्मिक मृत्यू-(प्रतिनिधी-सुरेश सुराशे )
1 week ago
🅱️: निफाड( नाशिक):⇔सेवानिवृत्त शिक्षकांची अंशराशीकरणाची १२ लाखापेक्षा अधिक रक्कमेचा अपहार;साखळी उपोषण तदनंतर आमरण उपोषण-(प्रतिनिधी-रावसाहेब जाधव)
