





➤ नाशिकरोड, ता. २६ ( दिव्य भारत वृत्तसेवा ):- ” आपला पाल्य योग्य दिशेने प्रगती करतो काय , त्याचे सोबती सकारात्मक विचारांचे आहेत काय , शैक्षणिक प्रगतीसाठी योग्य वातावरण आहे काय हे पाहण्याच्या उद्देशानेच शिक्षक पालक विद्यार्थी संघाची संकल्पना रुजली गेली असून आपल्या पाल्यास महागडे मोबाईल न घेता चांगली पुस्तके व साहित्य घेऊन द्यावीत , नवनवीन छंद जोपासण्यासाठी प्रोत्साहन द्यावे व अभ्यासाच्या वेळेमध्ये कटाक्षाने लक्ष द्यावे ,” असे उपस्थित शिक्षक व पालकांना मार्गदर्शन करताना उपप्राचार्या सौ. सुनिता नेमाडे यांनी केले .
गोखले एज्युकेशन सोसायटीच्या नाशिकरोड येथील बिटको महाविद्यालयात बुधवार दि. २६ एप्रिल रोजी कॉमर्स लॅब येथे महाविद्यालयाच्या प्राचार्या डॉ. मंजुषा कुलकर्णी यांच्या मार्गदर्शनाखाली पालक शिक्षक संघाची बैठक आयोजित करण्यात आली होती . त्याप्रसंगी त्या बोलत होत्या . याप्रसंगी व्यासपीठावर उपप्राचार्या सौ. सुनिता नेमाडे यांच्यासह ,पर्यवेक्षिका सौ. प्रणाली पाथरे , सचिव सुहास माळवे , पालक प्रतिनिधी उपसचिव सौ. सुमित्रा कुलकर्णी , जयंत भाभे आदी मान्यवर उपस्थित होते . प्रारंभी मान्यवरांच्या हस्ते दीपप्रज्वलन करण्यात आले . सचिव सुहास माळवे यांनी मागील बैठकीचा वृत्तांत कथन केला . या बैठकीस सौ. सुमित्रा कुलकर्णी व श्री. जयंत भाभे यांनी मनोगते व्यक्त केली . उपप्राचार्या सौ. सुनिता नेमाडे यांनी महाविद्यालयातील विविध उपक्रम व स्पर्धा , पीपीटी सादरीकरण , तज्ञ व्याख्यान , विविध क्विझ , स्वातंत्र्याचा अमृत महोत्सवानिमित्त आयोजित देशभक्तीपर स्पर्धा व व्याख्यान यासह वार्षिक स्नेहसंमेलन स्पर्धा आदींबाबत माहिती दिली . संस्थेच्या ‘ विद्यार्थी देवो भव ‘ या ब्रीदाने यशाची वाटचाल सुरू आहे . सरल , आधारकार्ड यु-डाईस पोर्टलवर अपडेशन माहिती अपलोड व प्रयोग शाळेतील साहित्य, संगणक , ग्रंथालय , स्पोर्ट्स याबाबत अवगत करून पालक हा विद्यार्थी व शिक्षकांमधील महत्त्वाचा दुवा असल्याचे सांगितले . सभेचे सूत्रसंचालन सौ. शालिनी शेळके यांनी केले तर आभार सौ. जयश्री देवरे यांनी मानले . कार्यक्रमास सौ. भावना पाटील , सन्मुख बुवा , संजय परमसागर , नम्रता करंदीकर , राजेंद्र साळुंखे , राजू शिंदे , सचिन खैरनार यासह शिक्षक व पालक प्रतिनिधी सदस्य उपस्थित होते .