🔊 Listen to this

महाराष्ट्र राज्य शिक्षक परिषदेच्या दिंडोरी आंदोलनाला मोठे यश,कर्मचाऱ्यांनी दिलेला खुलासा नामंजूर; कारवाई होणार !

β⇔दिव्य भारत बीएसएम न्यूज वृत्तसेवा : नाशिक : मंगळवार  : दि.18 मार्च  2025

β⇔दिव्य भारत बीएसएम न्यूज वृत्तसेवा : नाशिक : मंगळवार  : दि.18 मार्च  2025

🅱️⇔ दिंडोरी(नाशिक), दि.18 (प्रतिनिधी–रावसाहेब  जाधव ):- महाराष्ट्र राज्य शिक्षक परिषद शाखा दिंडोरीने सातवा वेतन आयोग वेतन निश्चिती पडताळणी करण्यास अक्षम्य विलंब केल्याबद्दल संबंधित कर्मचाऱ्यांवर जबाबदारी निश्चित करून कारवाई करण्याची मागणी करण्यात आली होती. यासंदर्भात आज दुपारी दोन वाजता धरणे आंदोलन सुरू होताच गटविकास अधिकारी व गटशिक्षण अधिकारी यांनी शिक्षक परिषदेच्या शिष्टमंडळाला चर्चेचे निमंत्रण दिले. तरी सेवा पुस्तक सातवा वेतन आयोग पडताळणीस विलंब करणाऱ्या लता सोमा उदार तत्कालीन कनिष्ठ सहाय्यक, भास्कर बाबुराव झिरवाळ तत्कालीन वरिष्ठ सहाय्यक, शैला वसंत भामरे तत्कालीन कनिष्ठ सहाय्यक यांच्यावर जबाबदारी निश्चित करून कारवाई संदर्भात नोटीसा बजावल्या व संबंधितांनी दिलेले मोघम व वस्तुनिष्ठ नसलेले खुलासे नामंजूर करण्यात आले. अंतिम नोटीस देऊन संबंधितांवर कारवाई प्रस्तावित होणार हे निश्चित झाले आहे. तसे पत्रक गटशिक्षणाधिकारी यांनी काढले आहे.
          तसेच वेतन निश्चितीनुसार वेतन फरक देयके लेवल एक स्तरावरील करणेबाबत सुचित केले असुन त्याप्रमाणे कार्यवाही करण्यात येत आहे. तरी शिक्षक परिषदेने दिनांक 17 मार्च 2025 पासून सुरू करत असलेल्या धरणे आंदोलन व साखळी उपोषण करू नये असे पत्र शिक्षण विभागाने काढले. सदरील पत्रक शिक्षक परिषद शिष्टमंडळाने वाचन करून आंदोलन तृर्तास स्थगित केले आहे.
          पत्र गटशिक्षणाधिकारी चंद्रकांत गवळी यांचे कडून स्वीकारताना व पत्राचे वाचन करताना जिल्हा कार्यवाह/सरचिटणीस रावसाहेब जाधव,तालुकाध्यक्ष सुभाष बर्डे,तालुका सरचिटणीस /कार्यवाह श्रावण भोये, कोषाध्यक्ष दादाजी आहिरे, कार्यकारी अध्यक्ष विश्वास आहेर,नितीन शिंदे व जिल्हा पदवीधर प्रतिनिधी सुधाकर नाठे,मुख्याध्यापक प्रतिनिधी एकनाथ पाटील , तालुका उपाध्यक्ष दादा इथापे,सुरेश भोये,माधव देवरे,रवी पाटील आदी उपस्थित होते.

प्रतिक्रिया :-
”सेवा पुस्तक सातवा वेतन पडताळणी विषयक शिक्षक परिषदेच्या आंदोलनाला यश मिळाले व संबंधित अक्षम्य विलंब करणाऱ्या कर्मचाऱ्यांवर कारवाई प्रस्थापित होणार वेतन फरक देयके शिक्षकांना त्वरित मिळणार.”- श्री. रावसाहेब बहिरू जाधव, जिल्हा कार्यवाह / सरचिटणीस, महाराष्ट्र राज्य शिक्षण परिषद प्राथमिक विभाग नाशिक.