नाशिक जिल्ह्यातील फोरजी सर्वर डाऊनमुळे दुकानदार व ग्राहक हैराण : धान्य वितरण यंत्रणा ठप्प
β⇔ दिव्य भारत बीएसएम न्यूज वृत्तसेवा : नाशिक : शनिवार : दि, 27 मे 2024
β⇔नाशिक, दि. 27(प्रतिनिधी : सुरेश इंगळे):- राज्याचे अन्न व नागरी पुरवठा मंत्री छगन भुजबळ यांच्या मतदारसंघात, म्हणजेच नाशिक जिल्ह्यात, गेल्या आठ दिवसांपासून धान्य वितरण यंत्रणा करणाऱ्या फोरजी मशीनच्या सर्वर डाऊनमुळे दुकानदार व ग्राहक यांना मोठा त्रास सहन करावा लागत आहे. एप्रिल 2024 मध्ये सार्वजनिक धान्य वितरण व्यवस्था सुटसुटीत व्हावी यासाठी प्रत्येक रेशन दुकानदारास पुरवठा विभागाकडून 4G तंत्रज्ञानाने युक्त पॉश मशीन उपलब्ध करून देण्यात आल्या होत्या. बायोमेट्रिक पद्धतीने अंगठ्याचा ठसा स्कॅन करून या यंत्राद्वारे धान्य वितरणाचा लाभ दिला जातो. भविष्यात अंगठ्याचा ठसा स्कॅन न झाल्यास आय स्कॅनर च्या माध्यमातून देखील धान्य वितरण करण्याची सुविधा याच यंत्रावर उपलब्ध होणार आहे. परंतु, गेल्या आठ दिवसांपासून या फोरजी यंत्रांना सर्वर डाऊन चा फटका बसत आहे. वारंवार प्रयत्न करूनही कनेक्टिव्हिटी मिळत नाही, मिळाली तर थंब स्कॅनिंग होत नाही, असे प्रकार सातत्याने घडत आहेत. त्यामुळे ग्राहकांना सारख्या दुकानात चक्रा माराव्या लागत आहेत आणि केवायसी करणाऱ्यांना सुद्धा अडचणी येत आहेत.
सिन्नर तालुक्यातील दुकानदारांनी पॉस मशीन जमा करण्याचा निर्णय घेतला आहे. सिन्नर तालुका स्वस्त धान्य दुकानदार संघटनेच्या वतीने शुक्रवारी तहसील कार्यालयात सदर पॉश मशीन्स जमा करण्याचा निर्णय घेण्यात आला. संघटनेचे पदाधिकारी व तालुक्यातील सर्व दुकानदारांनी तहसीलदारांची भेट घेऊन धान्य वितरण प्रणालीत सुरू असलेल्या गोंधळाकडे लक्ष वेधले. सर्वर डाऊन मुळे धान्य वितरण करता येत नाही, ग्राहक मात्र दुकानदारांना दोष देतात, ग्राहकांना किती वेळा हेलपाटे मारायला लावायचे असा प्रश्न दुकानदारांनी उपस्थित केला. सर्वर डाऊन ची समस्या जोपर्यंत दूर होत नाही, तोपर्यंत पॉश मशीन शासनाने जमा करून घ्यावेत, तालुक्यातील धान्य वितरण बंद ठेवण्याची अथवा ऑफलाइन वितरणाची परवानगी मिळावी अशी मागणी तहसीलदाराकडे निवेदन देऊन करण्यात आली. नायब तहसीलदार सागर मुंदडा, पुरवठा विभागाच्या नायब तहसीलदार अनिता खैरनार, पुरवठा निरीक्षक विशाल धुमाळ यांनी निवेदनाचा स्वीकार केला. संघटनेचे तालुकाध्यक्ष सतीश भुतळा, उपाध्यक्ष दीपक जगताप, शहराध्यक्ष भगवान जाधव, कल्पना रेवगळे, नवनाथ गडाख, संजय झगडे, राजू गोळेसर, अण्णा जाधव, महेश मुरकुटे, चंद्रकांत माळी यांच्यासह दुकानदार यावेळी उपस्थित होते.
β⇔ दिव्य भारत बीएसएम न्यूज वृत्तसेवा : नाशिक : शुक्रवार : दि, 26 मे 2024
β⇔नाशिक, दि. 26(प्रतिनिधी : सुरेश इंगळे):-
(‘दिव्य भारत बीएसएम न्यूज‘ची बातमी शेअर व लाईक करा आणि सबस्क्राईब करा, बेल आयकॉन बटणवर प्रेस करा. ताज्या बातम्या व घडामोडी नियमित बघत राहा. “दिव्य भारत बीएसएम न्यूज” )
