🔊 Listen to this

शिक्षक परिषदेचे शिक्षणाधिकाऱ्यांना निवेदन, प्रलंबित कामांबाबत दप्तर दिरंगाई दावा दाखल करणार !

β⇔दिव्य भारत बीएसएम न्यूज वृत्तसेवा : नाशिक : बुधवार : दि.28 मे  2025

🅱️⇔दिंडोरी(नाशिक),दि.28 (प्रतिनिधी– रावसाहेब जाधव ):- शिक्षक परिषदेच्या वतीने शिक्षणाधिकाऱ्यांना निवेदन देण्यात आले. याप्रसंगी उपशिक्षणाधिकारी भास्कर कनोज उपस्थित होते. निवेदन देऊन संबंधित लिपिकांना समक्ष भेटून प्रलंबित कामकाजांबाबत पाठपुरावा करण्यात आला. महाराष्ट्र राज्य शिक्षक परिषद राज्य सरचिटणीस कार्यवाह संजय बबनराव पगार यांच्या नेतृत्वामध्ये जिल्हाध्यक्ष रमेश गोहिल, जिल्हासरचिटणीस कार्यवाह रावसाहेब जाधव, जिल्हा संघटक प्रशांत शेवाळे, निफाड तालुका नेते प्रवीण कोळी, दिंडोरी तालुका कार्यवाह सरचिटणीस श्रावण भोये यांच्या शिष्टमंडळाने निवेदन देऊ प्रलंबित विषयांवर चर्चा करून शिक्षकांचे प्रश्न त्वरित निकाली काढण्यासंदर्भात मागणी केली.
             निवड श्रेणी प्रारूप यादीमध्ये डिसेंबर 2024 अखेर निवड श्रेणीस पात्र ठरणाऱ्या परंतु वंचित राहिलेल्या प्राथमिक शिक्षकांचा नव्याने समावेश करण्यासंबंधी जिल्हा मागणी करण्यात आली. निवडश्रेणी त्वरित मंजूर करणेबाबत सकारात्मक चर्चा झाली. २)प्राथमिक शिक्षकांची प्रलंबित कामे तालुकास्तरीय अस्थापनेकडून सेवाजेष्ठतेने होणे बाबत निवेदन दिले यात शिक्षकांचे ३१ मार्च अखेर प्रलंबित निवडश्रेणी फरक, चटोपाध्याय फरक, एकस्तर फरक, नियमित पगार फरक बिल, इतर फरक बिले अदा करणे. वैद्यकीय देयके,एकस्तर वेतन निश्चिती,सेवा पुस्तक पडताळणी, भविष्य निर्वाह निधीप्रकरणे, सेवानिवृत्ती प्रकरणे व इतर सर्व कामे सेवाजेष्ठता यादी गटस्तरावर प्रसिद्ध करून निकाली काढण्यासंदर्भात कारवाई होणे आपल्या स्तरावर सुस्पष्ट आदेश पारित करणे बाबत चर्चा झाली व सकारात्मक प्रतिसाद मिळाला. ३)भ.नि.नि खाते बाबत-1 नोव्हेंबर 2005 पूर्वी जाहिरात किंवा अधिसूचना पारित झालेल्या शिक्षकांना भविष्य निर्वाह निधी खाते क्रमांक त्वरित मिळण्यासंदर्भात संबंधित शिक्षकांची फाईल बऱ्याच दिवसापासून एकाच टेबलला असल्याने सदरील कामाबाबत असाच विलंब होत राहिला तर दप्तर दिरंगाईचा दावा शिक्षक परिषद दाखल करणार आहे. 4) स्थायित्व प्रस्ताव-नांदगाव तालुक्याचे स्थायित्व प्रस्ताव गेल्या १८ महिन्यांपासून जिल्हा परिषद स्तरावर प्रलंबित आहे सदरील प्रस्ताव आठ दिवसात मंजूर न झाल्यास या संदर्भात देखील शिक्षक परिषद जिल्हास्तरावर दप्तर दिरंगाई दावा करणार व संबंधिता व कारवाईची मागणी करणार. असे समक्ष स्पष्ट राज्यकार्यवाह माननीय संजय पगार सर यांनी सांगितले. याप्रसंगी कार्यलयीन अधीक्षक श्रीमान ए. वाय . निकम सो. उपस्थित होते. 5) चटोपाध्याय प्रस्ताव मंजुरी-जिल्हास्तरावर येवला तालुक्याचे प्रस्तावान बाबत कार्यवाही पूर्ण झालेली असून माननीय मुख्य कार्यकारी अधिकारी यांचे मंजुरी मिळून लवकरच मंजूर यादी निर्गमित होईल. उर्वरित तालुक्याचे चटोपाध्याय प्रस्ताव त्वरित मंजूर करण्यासंदर्भात मागणी करण्यात आली व यासंदर्भात पाठपुरावा करण्यात आला.

प्रतिक्रिया-

            “जिल्हा परिषद स्तरावरून प्राथमिक शिक्षकांचे सर्व कामे हे सेवाजेष्ठतेने होण्यासाठी गटस्तरावर स्पष्ट आदेश दिले देण्यात यावे. तसेच जिल्हा परिषद स्तरावर बरेच दिवसापासून शिक्षकांचे कामे प्रलंबित असल्याने महाराष्ट्र राज्य शिक्षक परिषद दप्तर दिरंगाईचा दावा करणार”.- संजय बबनराव पगार, (राज्य कार्यवाह/ सरचिटणीस), महाराष्ट्र राज्य शिक्षक परिषद प्राथमिक विभाग

β⇔ दिव्य भारत बीएसएम न्यूज : मुख्य संपादक : डॉ. भागवत महाले : मो. 918208180510 

(‘दिव्य भारत बीएसएम न्यूज’ची बातमी शेअर व लाईक करा आणि सबस्क्राईब करा, बेल आयकॉन बटणवर प्रेस करा. ताज्या बातम्या व घडामोडी नियमित बघत राहा. “दिव्य भारत बीएसएम न्यूज” )