🔊 Listen to this

 येडशीत पावसाचा कहर; नदीवरील रस्ता गेला वाहून,

 सहाय्यक अभियंता कोरे यांनी घेतली तात्काळ दखल; वाहतूक पुर्ववत सुरु !

β⇔दिव्य भारत बीएसएम न्यूज वृत्तसेवा : नाशिक : शुक्रवार : दि.30 मे  2025

🅱️⇔येडशी (ता. धाराशिव),दि. ३० (प्रतिनिधी – सुभान शेख ) :– धाराशिव तालुक्यातील येडशी परिसरात मागील काही दिवसांपासून पावसाने जोरदार हजेरी लावली आहे. यामुळे परिसरातील नदी-नाल्यांचे पुराचे पाणी वाढू लागले असून, काल दि. २९ मे रोजी संध्याकाळच्या सुमारास झालेल्या मुसळधार पावसामुळे “लातूर–बार्शी” राष्ट्रीय महामार्गावरील येडशी येथील रस्ता नदीच्या पुरात वाहून गेला. त्यामुळे तब्बल तीन ते चार तास वाहतूक ठप्प झाली होती.

सदर घटनेचे सविस्तर वृत्त असे की, “दिव्य भारत BSM न्यूज चॅनल” चे येडशी प्रतिनिधी सुभान शेख यांनी तात्काळ पहाटे ४:३० वाजता स्वतः घटनास्थळी जावून  भेट देत पाहणी केली  घेतली. पाहणी केल्यानंतर सकाळी ७:०० वाजता लातूर येथील राष्ट्रीय महामार्गाचे सहाय्यक अभियंता (श्रेणी १) श्री. प्रल्हाद कोरे यांना या घटनेची सविस्तर माहिती दिली. त्यांच्या सोबत येडशी ग्रामपंचायतीचे कर्मचारी राजाभाऊ सावंत हे देखील होते. या घटनेनंतर सुभान शेख यांनी वारंवार संपर्क साधून श्री. प्रल्हाद कोरे यांना घटनास्थळी येण्यासाठी आग्रह केला. पुरामुळे रस्त्याचे पूल फुटल्याने तब्बल तीन ते चार तास वाहने थांबून  वाहतूक ठप्प झाली होती. त्यामुळे नागरिकांना मोठ्या अडचणींचा सामना करावा लागला. त्यानंतर JCB च्या साहाय्याने नदीचे पाणी हटवण्यात आले. पाणी हटविण्यानंतर लगेचच राष्ट्रीय राज्य महामार्ग लातुर चे सहाय्यक अभियंता श्री. प्रल्हाद कोरे यांनी कामाला सुरुवात करण्यास गुत्तेदारला आदेश देण्यात आले. कामाला सुरुवात झाल्यानंतर काही माणसं जीसीबी च्या सहाय्याने आणुन कामाला सुरुवात केली. दिवसभर“लातूर–बार्शी” हा रस्ता ‘ये – जा’ करणारे वाहनानी काही काळ  ठप्प झाला होता.

सहाय्यक अभियंता श्री. कोरे यांनी तात्काळ घटनास्थळी पोहोचून गुत्तेदाराला रस्ता दुरुस्त करण्याचे आदेश दिले. मुरुम भरून तात्पुरता रस्ता तयार करण्यात आला असून, यामुळे वाहतूक पुन्हा पूर्ववत झाली आहे. ही परिस्थिती येडशी परिसरात मागील काही वर्षांतील दुसऱ्यांदा उद्भवलेली आहे. रस्ता दुरुस्तीचे काम वेळेत झाल्याने ग्रामस्थ व वाहनचालकांकडून पत्रकार सुभान शेख आणि सहाय्यक अभियंता प्रल्हाद कोरे यांचे कौतुक केले जात आहे. त्यांचे आभार व्यक्त करण्यात येत आहेत.

β⇔ दिव्य भारत बीएसएम न्यूज : मुख्य संपादक : डॉ. भागवत महाले : मो. 918208180510 

(‘दिव्य भारत बीएसएम न्यूज’ची बातमी शेअर व लाईक करा आणि सबस्क्राईब करा, बेल आयकॉन बटणवर प्रेस करा. ताज्या बातम्या व घडामोडी नियमित बघत राहा. “दिव्य भारत बीएसएम न्यूज” )