विद्यार्थ्यांमधील वैज्ञानिक शोधण्यासाठी विज्ञान प्रदर्शनाचे आवश्यकता–सरचिटणीस अॅड. नितीन ठाकरे
β⇔ दिव्य भारत बीएसएम न्यूज वृत्तसेवा : वणी : सोमवार : दि 16 डिसेंबर 2024
β⇔सायखेडा (नाशिक), ता.16 (प्रतिनिधी: राजेंद्र कदम ):-सायखेडा: विद्यार्थ्यांमधील जिज्ञासा आणि वैज्ञानिक दृष्टिकोनाला चालना देण्यासाठी विज्ञान प्रदर्शनांची आवश्यकता आहे, असे मत मविप्रचे सरचिटणीस अॅड. नितीन ठाकरे यांनी व्यक्त केले. मराठा विद्या प्रसारक समाज संस्थेच्या जनता इंग्लिश स्कूल व ज्युनियर कॉलेज आणि अभिनव बाल विकास मंदिर, सायखेडा येथे आयोजित शाळास्तरीय विज्ञान प्रदर्शनाच्या उद्घाटनप्रसंगी ते बोलत होते.
अध्यक्षीय भाषणातून मविप्र सभापती बाळासाहेब शिरसागर यांनी विद्यार्थ्यांमधील नवोदित शास्त्रज्ञ शोधण्यासाठी अशा प्रकारच्या उपक्रमांचे महत्त्व स्पष्ट केले आणि प्रदर्शनाचे आयोजन केल्याबद्दल विद्यालयाच्या शिक्षक आणि विद्यार्थ्यांचे कौतुक केले.
विज्ञान प्रदर्शनाचे उद्घाटन : कार्यक्रमाची सुरुवात मान्यवरांच्या एनसीसी संचलनाने झाली. सरस्वती व शास्त्रज्ञ डॉ. सी. व्ही. रमण यांच्या प्रतिमांचे पूजन आणि विज्ञान गीताच्या सादरीकरणाने उद्घाटनाचा शुभारंभ झाला. “मैत्री गणिताची” या हस्तपुस्तिकेचे प्रकाशन मविप्र सरचिटणीस अॅड. नितीन ठाकरे यांच्या हस्ते झाले. तर वैज्ञानिक रांगोळीचे उद्घाटन मविप्र उपाध्यक्ष विश्वास मोरे यांच्या हस्ते झाले.
विज्ञान प्रदर्शनातील वैशिष्ट्ये : विज्ञान प्रदर्शनामध्ये अभिनव बाल विकास मंदिराच्या विद्यार्थ्यांनी 25 प्रतिकृती सादर केल्या, तर इयत्ता 5वी ते 7वीच्या विद्यार्थ्यांनी 75, आणि 8वी ते 12वीच्या विद्यार्थ्यांनी 30 प्रतिकृती सादर केल्या. एकूण 130 प्रतिकृतींचा समावेश असलेल्या या प्रदर्शनामध्ये विद्यार्थ्यांनी सादर केलेली प्रकल्पे प्रेक्षणीय ठरली.
महत्त्वाच्या प्रकल्पांमध्ये: शेती फवारणी यंत्र :
पक्षी व प्राणी हुसकावण्यासाठी आवाजाची यंत्रे
वाहतूक व्यवस्थेवरील मॉडेल्स
सौर ऊर्जेचा वापर करून चालणारी उपकरणे
बहुउद्देशीय स्टिक
शेतीतील अवजड वस्तू उचलण्यासाठी साधन
विद्यार्थ्यांनी अंधश्रद्धा निर्मूलनासाठी सादर केलेले प्रयोग आणि विज्ञानातील गमती-जमती पालकांसाठी विशेष आकर्षण ठरले. रांगोळीद्वारे पर्यावरण, अवकाशयान, मानवी अवयव यांसारख्या विषयांवर विद्यार्थ्यांनी कलात्मक रचना साकारल्या.
मान्यवरांचा सत्कार आणि विद्यार्थ्यांचा सन्मान : सन 1977-78 च्या दहावीच्या माजी विद्यार्थ्यांकडून विद्यालयाला अॅक्रेलिक पोडियम, टीपॉय आणि पोडियम माईक भेट देण्यात आले. यावेळी विद्यालयाच्या माजी विद्यार्थ्यांमध्ये व्ही. एन. नाईक शिक्षण संस्थेचे सहचिटणीस दिगंबर नाना गीते आणि विश्वस्त उद्धव नाना कुटे यांचा सत्कार करण्यात आला. उत्तर प्रदेश येथे खेळ क्षेत्रात विद्यालयाच्या विद्यार्थ्यांनी सुवर्णपदक पटकावल्याबद्दल त्यांचाही सत्कार यावेळी झाला.
कार्यक्रमाच्या यशामागील परिश्रम : कार्यक्रमाच्या यशस्वीतेसाठी विज्ञान समिती प्रमुख आरोटे मॅडम, चौधरी सर, घुले मॅडम, भारस्कर मॅडम, शिंदे मॅडम, पगार मॅडम यांच्यासह सर्व शिक्षक आणि शिक्षकेतर कर्मचारी यांनी विशेष परिश्रम घेतले.“या प्रदर्शनामुळे विद्यार्थ्यांच्या वैज्ञानिक दृष्टिकोनाला प्रेरणा मिळाली असून अशा उपक्रमांनी भविष्यकाळातही नवे शास्त्रज्ञ घडतील,” अशी पालकांची प्रतिक्रिया होती. कार्यक्रमाचे सूत्रसंचालन अवधूत आवारे आणि श्रीमती प्रतीक्षा शिंदे यांनी केले, तर आभार प्रदर्शन पर्यवेक्षक राम ढोली यांनी मानले.
β⇔ दिव्य भारत बी एस एम न्यूज : मुख्य संपादक : डॉ . भागवत महाले : मो. 918208180510
