🔊 Listen to this

बकरी ईद ( ईद -उल -अजहा) बलिदान (कुर्बानी) दिन सण  म्हणून साजरा

β⇔दिव्य भारत बीएसएम न्यूज वृत्तसेवा : नाशिक : शनिवार  : दि.7 जून  2025

🅱️⇔आन्वा- वाकडी,( जालना) दि.7 ( प्रतिनिधी : सादिक शेख ):- ‘बकरी ईद’ हा इस्लाम धर्माचा एक महत्त्वाचा सण आहे, जो दरवर्षी मोठ्या थाटामाटात साजरा केला जातो. याला “ईद-उल-अजहा” असेही म्हणतात, ज्याचा इतिहास हजरत इब्राहिम यांच्याशी जोडला गेला आहे. जेव्हा अल्लाहने इब्राहिमला त्यांची परीक्षा घेण्यासाठी त्यांच्या सर्वात प्रिय वस्तूचा म्हणजेच त्यांच्या मुलाचा बळी देण्यास सांगितले तेव्हा इब्राहिमने त्यांची आज्ञा पाळली आणि कोणताही संकोच न करता त्यांचा मुलगा इस्माइलचा बळी दिला. त्यानंतर अल्लाह प्रसन्न झाला आणि त्यांनी इस्माइलला जीवनदान दिले. तेव्हापासून या दिवशी कुर्बानी देण्याची आणि हा सण साजरा करण्याची परंपरा सुरू झाली. इस्लामिक कॅलेंडरच्या 12 व्या महिन्यातील ईदूल-हिज्जाच्या दहाव्या दिवशी हा सण साजरा केला जातो.
मुस्लिम धर्मातील लोक या दिवसाबद्दल विशेष उत्साही असतात. या सणाची तयारी खूप आधीच सुरू केली जाते. या प्रसंगी लोक एकमेकांच्या घरी जातात. त्यांना शुभेच्छा देतात. एकमेकांना मिठी मारतात. मुस्लीम समाज फक्त दोनच ईद साजरी करतात. यातली एक ‘ईद-उल-फित्र’ आणि दुसरी म्हणजे ‘ईद-उल-अजहा’. ईद-उल-अजहा ही ईद इस्लामिक कॅलेंडरनुसार जिल्हिज या शेवटच्या महिन्यात दहाव्या तारखेला साजरी केली जाते.
          मुस्लिमांचे पैगंबर आणि हजरत मोहम्मद यांचे पूर्वज हजरत इब्राहिम यांच्या बलिदानाची आठवण म्हणून ही ईद साजरी केली जाते. मुस्लिम समाजच्या मते, अल्लाहने एकदा इब्राहिमच्या भक्तीची परीक्षा घ्यायचं ठरवलं. यासाठी त्यांना त्यांच्या सर्वात प्रिय वस्तूचं बलिदान द्यायला सांगितलं. यावर इब्राहिम यांनी आपला प्रिय मुलगा इस्माईलचं बलिदान द्यायचं ठरवलं. इब्राहिम आता आपल्या मुलाची कुर्बानी देणार होतेच, तेवढ्यात अल्लाहने इस्माईलच्या जागी एक बकरा ठेवला. अल्लाह फक्त इब्राहिमची परीक्षा घेत होते.
भोकरदन तालुक्यातील दानापूर येथे आज ईदुल अजहा ची नमाज अदा करताना दानापूर येथील मुस्लिम बांधव नमाज नंतर सर्व समाजात एकत्र राहण्याची दुवा व सुख समृद्धी नांदावी अशी दुवा करण्यात आली यावेळी ईद चा खुदबा हाफिज असलम शेख यांनी पठाण केला यावेळी उपस्तित मुस्लिम समुदय मोठे संख्येने उपस्थित होता .

β⇔ दिव्य भारत बीएसएम न्यूज : मुख्य संपादक : डॉ. भागवत महाले : मो. 918208180510 

(‘दिव्य भारत बीएसएम न्यूज’ची बातमी शेअर व लाईक करा आणि सबस्क्राईब करा, बेल आयकॉन बटणवर प्रेस करा. ताज्या बातम्या व घडामोडी नियमित बघत राहा. “दिव्य भारत बीएसएम न्यूज” )