🔊 Listen to this

दिंडोरी तालुक्यात बिबट्यापासून बचावासाठी आता ‘एआय’वर आधारित विकसित केलेल्या यंत्रणेचा होणार वापर !

β⇔दिव्य भारत बीएसएम न्यूज वृत्तसेवा : नाशिक : रविवार  : दि.8 जून  2025

🅱️⇔ वणी (नाशिक),दि.8 (प्रतिनिधी– सुरेश सुराशे ):- पूर्व वनविभागाने आधुनिक तंत्रज्ञानाची कास धरत मानव-बिबट संघर्षाची तीव्रता कमी करण्याच्या उद्देशाने अजून एक पाऊल टाकले आहे. ‘एआय’वर आधारित विकसित केलेल्या यंत्रणेचा वापर दिंडोरीत तालुक्यात प्रायोगिक तत्त्वावर सुरू करण्यात आला आहे.

सदर ही यंत्रणा रात्री मध्यरात्री किंवा दिवसासुद्धा जेव्हा बिबट्याचा संचार  त्या तेथून होईल, तेव्हा तेथील सायरन आपोआप वाजतो, अन त्याचवेळी मोबाइल क्रमांक लिंक असलेल्या वनाधिकारी, कर्मचान्यालाही मोबाइलवर मेसेज मिळतो. दिंडोरी वनपरिक्षेत्राच्या हद्दीत मागील काही दिवसांमध्ये बिबटयाच्या हल्ल्यात दोन चिमुकल्यांना प्राण गमवावा लागला आहे. यानंतर वनविभागाच्या पथकाने या भागातील गावांचा मळे परिसर पिंजून काढत पिंजरे लावून लागोपाठ दोन बिबटे देखील जेरबंद केले. बिबट्यापासून सावध राहावे यासाठी वन कर्मचाऱ्याकडून जनजागृती केली जात आहे. त्याचबरोबर खबरदारीच्या उपाययोजनांबाबत ही रहिवाशांना सतर्क केले जात आहे. याचाच एक भाग म्हणून पूर्व वनविभागाचे उपवनसंरक्षक उमेश तावरे यांनी जुन्नर नंतर आता दिंडोरीत ‘एआय लेपर्ड डिटेक्शन वॉर्निंग अलार्म’ यंत्रणेचा वापर करण्याचे आदेश दिले आहेत. यानुसार दिंडोरी तालुक्यातील निळवंडी, वानरवाडी या भागात दोन ठिकाणी ही यंत्रणा प्रायोगिक तत्त्वावर बसविण्यात आली आहे.                काय आहे ? आणि कसे काम करते  “एआय” ‘लेपर्ड डिटेक्शन वार्निंग अलार्म सिस्टम’, ज्या भागात बिबट्याचे वास्तव्य आहे, अशा भागातील नागरिकांना सतर्कता यावी. म्हणून एका लोखंडी खांबावर बॉक्समध्ये सॉफ्टवेअरला एक कॅमेरा बसवण्यात आला असून त्याच्या 60 मीटर अंतरावर बिबट्या सारखा प्राणी आल्यास तत्काळ १२० डेसिबलच्या आवाजाने सायरन वाजण्यास सुरुवात होते. हा आवाज शांत वातावरणात दोन किलोमीटर पर्यंत जाऊ शकत असल्याने या भागातील सर्व नागरिक सतर्क होऊन संभाव्य धोका कमी होऊ शकतो.

β⇔ दिव्य भारत बीएसएम न्यूज : मुख्य संपादक : डॉ. भागवत महाले : मो. 918208180510 

(‘दिव्य भारत बीएसएम न्यूज’ची बातमी शेअर व लाईक करा आणि सबस्क्राईब करा, बेल आयकॉन बटणवर प्रेस करा. ताज्या बातम्या व घडामोडी नियमित बघत राहा. “दिव्य भारत बीएसएम न्यूज” )