🔊 Listen to this

इगतपुरी तहसीलवर किसान सभेचे धरणे आंदोलन; शेतकरी, कामगारांच्या विविध मागण्यांसाठी ठाम भूमिका

β⇔दिव्य भारत बीएसएम न्यूज वृत्तसेवा : नाशिक : सोमवार   : दि.16 जून  2025

🅱️⇔ इगतपुरी(नाशिक),दि.16 (प्रतिनिधी–पांडुरंग बिरार ):- राज्यभर पुकारण्यात आलेल्या अखिल भारतीय किसान सभेच्या आंदोलनाचा एक भाग म्हणून इगतपुरी तहसील कार्यालयावर धरणे आंदोलन करण्यात आले. शेतकरी, कामगार व सर्वसामान्य नागरिकांच्या विविध प्रलंबित प्रश्नांसाठी हे आंदोलन उभं करण्यात आलं.
यावेळी खालील प्रमुख मागण्या मांडण्यात आल्या: वनाधिकार कायद्याची कठोर अंमलबजावणी करून फॉरेस्ट जागेवरील घरकुलांची नोंद संबंधित लाभार्थ्यांच्या नावावर करावी. न्यायप्रविष्ट दावे असलेल्या प्लॉट धारकांवर सुरू असलेली फॉरेस्ट खात्याची दादागिरी थांबवावी. लोकशाही अधिकारांवर बंदी घालणारे महाराष्ट्र विशेष जनसुरक्षा विधेयक मागे घेण्यात यावे. कामगार हक्कांवर घाला घालणारे चारही लेबर कोड रद्द करावेत. या मागण्यांचे निवेदन नायब तहसीलदार यांना देण्यात आले.

                  धरणे आंदोलनाच्या वेळी मार्गदर्शन करण्यासाठी खालील नेते व कार्यकर्ते उपस्थित होते: कॉ. देविदास आडोळे (सिटु जिल्हा सरचिटणीस), कॉ. दत्ता राक्षे (तालुका अध्यक्ष), कॉ. चंद्रकांत लाखे (किसान सभा तालुकाध्यक्ष), कॉ. सुरेश कोरडे, कॉ. रामदास चारस्कर,
कॉ. आप्पासाहेब भोले (जिल्हा कमिटी सदस्य), कॉ. सुनील मालुंजकर,कॉ. मच्छिंद्र गतीर, कॉ. किशोर कडू,कॉ. तुकाराम भगत, कॉ. जायबाई घाटाळ,कॉ. बबाबाई लहांगे,कॉ. संध्या जोशी,कॉ. त्रंबक खाडे,कॉ. किसन गवळी,कॉ. सावळीराम झोले,कॉ. तुकाराम शिंदे,कॉ. भोरू हंबीर,कॉ. भोरु खराटे,कॉ. रामचंद्र अगान,कॉ. मधु कालेकर,कॉ. विशाल घोटे आणि इतर शेतकरी व कामगार उपस्थित होते. हे आंदोलन शांततेत पार पडले असून प्रशासनाकडून निवेदनाचा सकारात्मक विचार केला जाईल, अशी अपेक्षा कार्यकर्त्यांनी व्यक्त केली.

β⇔ दिव्य भारत बीएसएम न्यूज : मुख्य संपादक : डॉ. भागवत महाले : मो. 918208180510 

(‘दिव्य भारत बीएसएम न्यूज’ची बातमी शेअर व लाईक करा आणि सबस्क्राईब करा, बेल आयकॉन बटणवर प्रेस करा. ताज्या बातम्या व घडामोडी नियमित बघत राहा. “दिव्य भारत बीएसएम न्यूज” )